Pse Osmani shpalli zgjedhjet gjashtë muaj përpara dhe çfarë mund të ndryshojë deri në shkurt?

Nuk është sekret të thuhet se kryeministri I Kosovës Albin Kurti do donte që votuesit të shkonin në qendrat e votimit në verë ose në vjeshtë, pasi mendohet se rezultati i garës presidenciale në SHBA do të jetë një faktor i rëndësishëm në ekuacionin zgjedhor të Kosovës.

Gjithsesi presidentja Vjosa Osmani dekretoi dhjetë ditë më parë se data e zgjedhjeve të rregullta për qendrat e votimit do të jetë 9 shkurt 2025.

Kjo do të jetë hera e parë që nga viti 1999 që një kuvend i Kosovës do të shërbejë me mandat të plotë, dhe këshilltari i presidentes Bekim Kupina sqaroi se Osmani e ka marrë vendimin “pas shqyrtimit të kujdesshëm të rrethanave dhe çështjeve që duhet të merren parasysh si dhe pas një analize të plotë të aspekteve ligjore për organizimin e procesit zgjedhor sipas standardeve më të larta demokratike”.

Shmangia e detyrimit për formimin e Bashkësisë së Komunave Serbe, popullariteti i konsiderueshëm në mesin e votuesve ekstremë për shkak të persekutimit sistematik të serbëve dhe pasigurisë për shkak të zgjedhjeve në Shtetet e Bashkuara të Amerikës, janë vetëm disa nga arsyet që, sipas analistëve politikë, e çuan Kurtin në idenë e shpërndarjes së Kuvendit më herët në marrëveshjen e të gjitha palëve. Mirëpo, ai nuk ishte i gatshëm ta përshpejtonte atë duke dorëzuar dorëheqjen dhe mandati i qeverisë aktuale skadon më 13 maj të vitit të ardhshëm.

Po cilat janë arsyet nga të cilat është udhëhequr Vjosa Osmani kur caktoi zgjedhjet gjashtë muaj përpara dhe kush përfiton më shumë?

Politologu Ognjen Gogiç tha se “Rezultati i zgjedhjeve amerikane do të jetë shumë i rëndësishëm, pasi ekziston një mendim i përbashkët se nëse Trump kthehet në Shtëpinë e Bardhë, ai do të jetë edhe më pak simpatik ndaj Kurtit dhe se do të jetë edhe më i ashpër ndaj tij. Sipas Gogiç, kjo mund të jetë arsye që një numër i caktuar i votuesve shqiptarë të gjykojnë se politika e Kurtit ndaj SHBA nuk ka qene e mire dhe kjo mund t’i heqë disa vota atij”

Nga ana tjetër, analisti politik Blerim Burjani theksoi se Vetëvendosja do të dalë e para me 36-38 për qind të votave, Partia Demokratike e Kosovës do të jetë rreth 19 për qind, Aleanca Demokratike e Kosovës 20 për qind dhe Aleanca për Ardhmërinë e Kosovës dhe Nisma në koalicion 8 për qind. Pas kësaj do të kërkohet mazhoranca me koalicion.

Kurse gazetari Llazar Steviç nga Zveçani u shpreh se opozita ka një pozicion të keq startues dhe gjithçka do kalojë nga duart e Kurtit