Putin gati të takojë Zelenskyn? Peskov bën deklaratën që tronditi botën

Presidenti rus Vladimir Putin do të jetë i hapur për një takim me presidentin e Ukrainës, Volodymyyr Zelensky, pasi të jenë përfunduar të gjitha përgatitjet e nevojshme nga delegacionet e të dy vendeve, tha të hënën zëdhënësi i Kremlinit, Dmitry Peskov.

Zelensky ka pohuar se negociatat thelbësore me Rusinë janë të mundshme vetëm nëse ai dhe Putini janë të përfshirë drejtpërdrejt. Moska pohon se legjitimiteti i Zelenskyt është në dyshim dhe se një takim duhet të ndodhë vetëm pasi të jetë rënë dakord gjerësisht për një marrëveshje paqeje nga të dyja palët.

Peskov përsëriti qëndrimin e Moskës gjatë një konference të rregullt për shtyp, duke theksuar se një samit Putin-Zelensky mund të ndodhë vetëm “pasi të jetë bërë puna e nevojshme në nivel ekspertësh dhe të jetë kapërcyer distanca e mjaftueshme”.