Qytetarët në Lezhë protestë për vdekjen e Lear Kurtit

Në qytetin e Lezhës është zhvilluar një protestë qytetarë pas vdekjes së 32-vjeçarit Lear Kurti në ambientet e komisariatit nr.3 në Tiranë.

Të rinjtë janë bërë bashkë dhe janë mbledhur përpara komisariatit të qytetit, ku kanë ndezur qirinj dhe kanë zhvilluar homazhe për vdekjen e të riut.

Gjithashtu anëtarë të Forumit Rinor të Partisë Demokratike i janë bashkuar kësaj proteste duke u shprehur se praktikat e ndjekura nga qeveria po detyrojnë të rinjtë të largohen nga vendi.