Qytetari harron çantën me 27 mijë euro në TEG, policia ia dorëzon sërish

Policia i ka kthyer çantën një qytetari me 27 mijë euro brenda, që e kishte harruar në një qendër tregtare. Çanta ka qenë e varur në një karrocë supermarketi dhe është gjetur nga roja i sigurisë së qendrës tregtare. Autoritetet më pas identifikuan dhe njoftuan pronarin e çantës, të cilit nuk i munguan falënderimet për korrektësinë e treguar

Njoftimi i policisë:

Policia në bashkëpunim me Security e qendrës tregtare Teg, i dorëzojnë çantën me 27.000 euro qytetarit, të cilën e kishte harruar aty.

Mbremë, rreth orës 23:00, security i dorëzon Spz-së së zonës, një çantë supi, e cila ishte harruar nga poseduesi i saj. Policia pas verifikimeve të bëra,ka gjetur pronarin e çantës dhe ka bërë të mundur dorëzimin e çantës.

Qytetari falënderoi Policinë për ndihmën dhe korrektësinë e treguar.