Connect with us

Aktualitet

“Radio Rilindja” një histori e zërit shqiptar në Norvegji

Mërgimtarët shqiptarë të gjeneratës së parë që kishin migruar në Norvegji, të entuziazmuar për të pasur një radio shqiptare, filluan një gjë të tillë për herë të parë në vitin 1987. Pra filluan të transmetojnë program në gjuhën shqipe në radio stacionin e ashtuquajtur Radio Paf, që më vonë, në vitin 1989 do te quhej Radio Holi.

Programi në gjuhën shqipe funksiononte nën ombrellën e këtyre radio stacioneve dhe kryeredaktor kishin Dogan  Gursel.

Në vitin 1992 programi i gjuhës shqipe ndryshon emrin në “Radio Rilindja” dhe vazhdon transmetimin e emisioneve live çdo të premte në valët e “RADIO INTERFM” 107,7 MhZ.

Në arkivin tonë kemi shumë emra që ishin nismëtarë  dhe kontribues të mëdhenj për hapjen e këtij radio stacioni shqiptar. Ndër ta kishte edhe  aktivistë nga  Shoqata Kulturore Shqiptare “Rilindja” e cila ishte krijuar disa vite më herët. Këta aktivistë kishin për qëllim hapjen e një mediumi të tillë informativ, ku mërgata shqiptare në Oslo e rrethinë të kenë një radio program për dëgjuesit e saj…

Radio Rilindja prej fillimit e deri më sot ka një program të pasur me emisione të ndryshme informative, argëtuese, arsimore, edukative, sociale, dokumentare, sportive, politike e fetare.

Si udhëheqës apo si staf  realizues gjatë asaj kohe  që  kontribuan vullnetarisht në Radio Rilindja ishin: Zylfi Saliu, Hamid Shabani, Avdyli, Ismailaki Ahmedi ( i ndjerë),  Adem Gashi, Mihrije Prekazi, Liman Hasani, Xhemail Sabriu, Osman Disha, Alush Balichi, Teuta Zeka, Shkoza Banjska, Adem Shabanaj,  Bujari-Bala, Sadik Bela, Oktai Raca, Antigona Qena, Shukri  Kacaniku, Luljeta Shusholli, Adrijan Rrustemaj, Miranda Ramazani, Hysen Berisha, Rexhep Shehu, Metush Bajrami, Albana Berisha, Shega Berisha Osmani, Skender Osmani, Imri Trena, Sadik Ahmetaj e shumë anëtarë nderi të tjerë.

Nga viti 2001 dhe deri në vitin 2018 si redaktor përgjegjës dhe operator teknik emërohet Alush Balichi, moderator Evis Mumajesi, bashkëpunëtorë Metush Bajrami, Rexhep Shehu, Njomza Berisha,  Bajram Maksuti dhe Unioni i Studentëve Shqiptarë me programin e  ditëve të diela, “ Mirëmëngjesi Oslo”

Në vitin 2018 “Radio Rilindja”, pavarësohet nga “Radio INTER FM” dhe bartë veprimtarinë e sajë në lokalet e QIKSHN- së duke vazhduar aktivitetet e saj radiofonike me program më të pasur me teknologji më të përsosur dhe me studio krejtësisht të re, falë sponsorve dhe  dashamirësve të shumtë shqiptarë në Norvegji e Suedi sikurse e kemi z.Hisen Mëziu (afarist e humanist).

Nga viti 2018 dhe deri ne momentin kur po shënojmë këtë kronologji  ndër vite, Alush Baliqi vazhdon të kryej detyrën e përgjegjësit kryesorë sëbashku me Metush Bajramin si redakorë, Rexhep Shehu,  Fehmi Sejdijaj dhe Enkela Rrokaj.

“Radio Rilindja” në Oslo është bashkëpunëtore e “Zërit të Amerikës” për shumë vite në shpërndarjen e lajmeve të pasdites, “Radio Dukagjinit”, bashkëpuntorë të ngushtë me artistin dhe tekstshkruesin e shumë këngëve, Flori Mumajesi dhe pjesë e shumë korrespodencave dhe intervistave si psh. Kanalin e TVSH -Tv Ura, Top Channel -programi i mëngjesit, RTK-programi per diaspor, RTV 21 – programi kulturor, fituese e çmimit për kontribut të veçantë në promovimin e Diasporës” të ndarë nga Ministria e Diasporës, viti 2016.

Radio Rilindja ka realizuar mbi 2000 intervista vetëm në 5 vitet e  fundit edhe atë, në studio me prani fizike, përmes platformës Skype, WhatsApp e Viber, është poashtu pjesë e e shumë mbrëmjeve  argëtuese me artistë të estradave muzikore, organizimeve për ditën e “28 Nëntorit”, “17 Shkurtit”, pjese e eventeve ne QIKSHN-ë, Shkollë Shqipe dhe së fundmi, Ditës Shqiptare.

Sot “Radio Rilindja” posedon kanalin e saj edhe ne internet, në rrjetin Facebook, në Youtube, Instagram, Twitter dhe është pjesë përbërëse e web faqes, www.albaner.no.

Advertisement
Click to comment

Leave a Reply

Your email address will not be published. Required fields are marked *

Aktualitet

Grabitet çifti italian në Vlorë, autorët thyejnë xhamin e ‘Audit’ dhe marrin 2500€

Një ngjarje e paprecedentë ka ndodhur mesditën e kësaj të premteje në Vlorë.

Një çift italian kanë parkuar mjetin e tyre në zonën e Lungomares dhe kanë shkuar të drekojnë në një nga restorantet e zonës.

Në këtë kohë persona të paidentifikuar pasi thyejnë xhamat e makinës, jo nga ana e rrugës,kanë grabitur shumën e parave në çantën që ishte në makinë,në shifrën 2500 euro.

Blutë e Vlorës kanë mbërritur në vendngjarje, për të mbledhur  dëshmitë dhe provat materiale.

Mësohet se grabitësit kanë vjedhur dhe gjithë  dokumentacionin dhe sendet me vlerë që gjetën në makinë.

Continue Reading

Aktualitet

Policia i gjeti në spital pas sherrit me farmacisten/ Çfarë pa shoqja e dy viktimave në dhomë

Antonina Kozachenko dhe Anastasia Lopukhova, 25 dhe 40 vjeç janë shtetaset ukrainase që u gjetën pa shenja jete sot në mesditë në një banesë në Tiranë, pranë zonës së “Selvisë”. Shkak për vdekjen e tyre mendohet të jetë mbidoza nga ilaçet qetësuese dhe antidepresantë.

Kozachenko dhe Lopukhova ishin konfliktuar dy ditë më parë me një farmaciste në rrugën “Muhamet Gjollesha” ku kishin hyrë për të blerë medikamentet Tramadol dhe Xanax. Farmacistja ka refuzuar t’iu japë ilaçet në mungesë të recetës së mjekut por kjo ka bërë që ukrainaset të revoltohen dhe janë përplasur fizikisht me të

Ato e kanë kafshuar farmacisten në krah, ndërsa menjëherë pas ngjarjes, farmacistja mësohet se ka bërë denoncim në polici.

Efektivët i kanë gjetur dy gratë ukrainase në një spital nga Tiranë dhe më pas i ka shoqëruar në komisariat. Pas marrjes në pyetje ato janë të lërë të lira.

 

 

Mirëpo, dy ditë më pas, shoqja e tyre e dhomës i ka gjetur me hemorragji nga goja dhe pa shenja jete.

Continue Reading

Aktualitet

Mori 330 mijë lekë për tenderin, Apeli lë në fuqi 2.8 vite burg për ish-sekretaren e ministrisë së Shëndetësisë Joana Duro

Apeli i GJKKO ka lënë në fuqi dënimin me 2 vite e 8 muaj burg për ish-sekretaren e ministrisë së Shëndetësisë, Joana Duro, nën akuzë për korrupsion  lidhur me një procedurë tenderimi për supervizimin për rikonstruksionin e qendrave shëndetësore në Tiranë dhe Durrës.

Sipas SPAK, Joana Duro, mori ryshfet 330 mijë lekë për të favorizuar kompaninë ‘DRICONS’ për të fituar tenderin. Duro ndodhet në burg që prej 5 qershorit 2023, ndërsa akuzohet për veprën penale “Korrupsioni pasiv i funksionarëve të lartë”.

Apeli ka lënë në fuqi edhe dënimin me 8 muaj burg për biznesmenin Vladimir Topi dhe inxhinierin Sivli Shehu.

 

 

Continue Reading

Aktualitet

EMRI/ SPAK konfiskon rreth 1.2 milionë euro pasuri të trafikantit shqiptar në Belgjikë

SPAK ka kërkuar sekuestrimin e rreth 1.2 milionë eurove pasuri të Flamur Sinanajt, i cili rezulton i dënuar në Belgjikë me 8 vite burg për trafik droge dhe 5 mijë euro gjobë për vepra të tjera penale. Bëhet fjalë për apartamente, 10 llogari bankare, motor uji, varkë vetorizine dhe dy automjete “GMC” dhe “Mercedes Benz”.

“Prokuroria e Posaçme kundër Korrupsionit dhe Krimit të Organizuar, bazuar në parashikimet e ligjit nr.10 192, datë 03.12.2009,  “Për Parandalimin dhe Goditjen e Krimit të Organizuar, Trafikimit dhe Korrupsionit nëpërmjet Masave Parandaluese kundër Pasurisë”, ka paraqitur para Gjykatës së Posaçme të Shkallës së Parë për Korrupsionin dhe Krimin e Organizuar, kërkesën për konfiskimin e pasurive të shtetasit Flamur Sinanaj dhe personave të lidhur me të.

Shtetasi Flamur Sinanaj, është subjekt i ligjit nr.10 192/2009, pasi në bazë të vendimit nr. 5736 datë 01.12.2010, të Gjykatës së Shkallës së Parë të Rrethit Gjyqësor, Antverpen, dega Antverpen, dhoma 8C, është dënuar me 8 (tetë) vjet heqje lirie dhe 5.000 (pesë mijë) Euro gjobë, për kryerjen e veprave penale “Trafikimi i lëndëve narkotike, të llojit kokainë”, “Mashtrimi” dhe “Falsifikimi i dokumentave”, si pjesë e një organizate kriminale, parashikuar nga legjislacioni penal i Mbretërisë së Belgjikës.

Në përfundim të shqyrtimit gjyqësor, Gjykata e Posaçme e Shkallës së Parë për Korrupsionin dhe Krimin e Organizuar, me vendimin nr.1, datë 09.01.2024, (vendim i cili ka marrë formë të prerë në datën 09.04.2024), ka vendosur konfiskimin dhe kalimin në favor të shtetit të pasurive të luajtshme dhe paluajtshme, si më poshtë:

  1. Apartament me sipërfaqe 76.5 m2, me adresë rruga  “Muhamet Gjollesha”, Tiranë, blerë sipas kontratës së shitjes, në vlerën prej 70.000 Euro;
  2. Njësi me sipërfaqe 163 m2, me adresë rruga “Muhamet Gjollesha”, Tiranë, përfituar sipas kontratës së shitjes, në vlerën prej 280.000 Euro;
  3. Pasuria e llojit apartament, me sipërfaqe 123 m2, në Rrugën “Reshit Petrela”, Tiranë, blerë sipas kontratës së shitjes, në vlerën prej 15.990.000 Lekë;
  4. 7 (shtatë) llogari bankare në banka të nivelit të dytë në një shumë totale prej 660 854 Euro;
  5. 3 (tre) llogari bankare në banka të nivelit të dytë në një shumë totale prej 7.574.664 Lekë;
  6. Motorr Uji “Yamaha”, tipi motor Deti “Jetski”, viti i prodhimit 2016;
  7. Varkë Vetorizine e përdorur “Yamaha 242X Limited USA”, viti i prodhimit 2017, me gjatësi 7.45 m;
  8. Automjet, marka “GMC”, modeli SIERRA SLT, tipi Kamion, viti i prodhimit 2011;
  9. Automjet, marka “Mercedes Benz”, modeli B180CDI, tipi 146, viti i prodhimit 2012;”, njofton prokuroria e posaçme.
Continue Reading

Aktualitet

Putini, parada dhe kërcënimet: Kokat bërthamore janë gati

Pothuajse si për të kujtuar paradën që u mbajt në nëntor 1941 (në atë kohë po festohej revolucioni leninist) përballë Stalinit, me trupat që vazhduan më pas drejt frontit.

Lufta që fitoi Bashkimi Sovjetik së bashku me Aleatët në 1945 është ende një referencë themelore për miliona qytetarë të ish-BRSS-së që humbën të paktën 27 milionë bashkatdhetarë.

Dhe meqenëse ai që quhet “operacion special” filloi në Ukrainë, Putini nuk humbet kurrë një mundësi për të përmendur paralele të supozuara midis betejës së atëhershme dhe asaj aktuale.

E cila për të është gjithmonë kundër “nazistëve”, duke qenë se ai vazhdon të përsërisë se regjimi i hebrenjve të Volodymyr Zelenskyt është një regjim kukull i operuar nga lobe të supozuara ekstremiste.

Parada këtë herë ishte në një shkallë shumë më të vogël.

Njësitë në këmbë kaluan përpara Vladimir Vladimirovich, duke përfshirë një grup ushtarësh të angazhuar në Ukrainë dhe më pas automjete të blinduara, tanke dhe raketahedhës.

Gjithsej 61 automjete, ndërsa tre vjet më parë 197 kaluan mbi shtratin e sheshit vetëm pesëmbëdhjetë avionë zbukuruan qiellin (75 në 2021), duke përfshirë 6 avionë luftarakë-bombardues Sukhoi 25 që lanë gjurmët klasike.

Mirëpo, armët e reja për të cilat është folur shumë, si tanku “Armata” apo obusi “Koalitsiya” nuk u panë.

Madje kreu i shtetit u kufizua në një fjalim të shkurtër, i cili, si ai i inaugurimit të tij dy ditë më parë, u hap me një homazh “për heronjtë e operacionit special”.

Putin akuzoi atë që ai e quan Perëndim kolektiv.

Vendi i tij, shtoi ai, sot “do të bëjë gjithçka për të parandaluar një konflikt global”.

“Por në të njëjtën kohë nuk do të lejojmë askënd të na kërcënojë. Forcat tona strategjike janë gjithmonë të gatshme për luftim”, paralajmëroi ai, duke iu referuar njësive që kontrollojnë pajisjet atomike.

Më pas ai shprehu keqardhjen për faktin se në shumë vende evropiane po përpiqen, sipas tij, të “shtrembërojnë të vërtetën për Luftën e Dytë Botërore”, duke nënçmuar ose fshirë rolin e luajtur nga Bashkimi Sovjetik në mposhtjen e trupave të Hitlerit.

“Ata rrënojnë përmendoret e luftëtarëve të vërtetë kundër nazizmit, vendosin në piedestale tradhtarë dhe bashkëpunëtorë të hitlerianëve”, vazhdoi ai, duke iu referuar atyre nacionalistëve që, duke shpresuar të çliroheshin nga zgjedha e Stalinit, nuk ngurruan të bashkoheshin me pushtuesit gjermanët.

Dhe kush më pas, të paktën pjesërisht, ndihmoi SS-të në masakrat e tmerrshme të kryera në territoret e pushtuara. N

ë tre vitet e para pas sulmit gjerman, BRSS rezistoi praktikisht e vetme.

Por Rusia, kujtoi kreu i Kremlinit, “asnjëherë nuk e ka zvogëluar rëndësinë e frontit të dytë dhe ndihmën e aleatëve”.

Continue Reading
Advertisement

TRENDING