Rama batuta me Kovaçevskin: Integrimi në BE na la pa flokë, tani jemi dy burra qerosë

Kryeministri Edi Rama “kritikoi” vonesat e anëtarësimit në Bashkimin Europian të vendeve të Ballkanit Perëndimor ndërsa mbante fjalën e tij në panelin e diskutimit mbi Ballkanin, “Open Roads: Balkans Back in Business”.

Krah homologut të tij nga Maqedonia e Veriut, Rama bëri një batutë duke thënë se në fillim të procesit, në një takim në Selanik të dy ishin me flokë, ndërsa tani janë qerosë.

Çfarë kemi nevojë është të jemi realistë, të vërtetë, të drejtpërdrejtë dhe kur e them këtë mendoj sa të drejtpërdrejtë mund të jenë holandezët kur kanë zgjedhje e kur duan të presësh sa të përfundojnë zgjedhjet e tyre.

Ja që kështu është, na duhet të përballemi me realitetin ndërkohë që komuniteti politik evropian është i jashtëzakonshëm,” – u shpreh Rama.