‘Rama gënjen…’/ Beleri: Qeveria ka lidhje me mafian

Kryebashkiaku i zgjedhur i Himarës, Fredi Beleri, i cili prej rreth tre muajsh ndodhet në paraburgim, akuzon kryeministrin Edi Rama se gënjen kur thotë se është çështje drejtësie fakti që nuk lejohet të shkojë dhe të bëjë betimin.

Beleri dha një intervistë për ERT nga burgu, ku ndër të tjera theksoi se nuk beson se autoritetet shqiptare do ta lirojnë, duke akuzuar kryeministrin shqiptar se mund ta lejojë edhe të bëjë betimin dhe të marrë detyrën.

“Ndalimi im është i paligjshëm. Por ajo që është absolutisht e paligjshme përtej çdo dyshimi është që më pengon të marr detyrat e mia. Të më pengojë të betohem është përgjegjësi e kryeministrit shqiptar. Kur thotë se është çështje drejtësie, gënjen sepse drejtoria e përgjithshme e burgjeve kontrollohet nga zoti Rama, ndaj mund të më japë leje të bëj betimin. Synimi i kryeministrit shqiptar nuk është të marrë detyrën”.

Beleri la të kuptohej se qeveria në Shqipëri ka marrëdhënie me mafian shqiptare dhe ka një plan që mërgimtarët në Himarë të largohen nga pronat e tyre, raportojnë mediat greke.

‘Shërbimet që ekzistojnë këtu ua vështirësojnë jetën biznesmenëve grekë, si nga Policia, nga Tatimet, ashtu edhe nga Urbanistika me synimin dhe planin përfundimtar, të braktisin pronat, të largohen në Greqi, që këto prona të bien në duart e miqve të kryeministrit të Shqipërisë, Edi Rama”, tha ai.