“Rama u sëmur edhe vetë nga salmonela”, Berisha: Ja si i gënjeu mjekët

Sali Berisha, nga Malësia e Madhe, ka ngritur shqetësimin për sigurinë ushqimore, duke u ndalur te mishi i pulës me salmonelë.

Berisha tha se edhe kryeministri Rama u sëmur nga salmonela. Sipas tij, Rama ka shkuar në spital duke thënë se e ka nga breshkat.

“Siguria ushqimore është siç e keni dëgjuar vetë. Njëherë dalin mandarinat, njëherë shpërndahet salmonelë deri në Surrel. Sëmurët edhe ai vetë dhe thotë se u sëmura se kam breshka në shtëpi. U sëmura nga salmonela që erdhi me pula, erdhi me deputetët e tij. Në spital tha e kam nga breshka. Çfarë breshkash, fileto pule. I gënjente mjekët. Siguria ushqimore do të jetë çështje e sigurisë kombëtare”, tha Berisha.