Berlin/ Rama vë në siklet politikanen holandeze

Kryeministri Edi Rama duket se ka vënë në siklet politikanen holandeze Kati Piri, e cila po moderonte Kongresin e Partive Socialiste Europiane. Teksa Piri po thoshte se është nder që ta kishin mes tyre, Rama kërkoi të dinte arsyen përse. Politikania holandeze u mundua ta kalonte me buzëqeshje dhe i shpjegoi se i duket mjaft provokues, por i pëlqen se është i drejtpërdrejtë.

Piri:Është nder, sepse… ky është një politikan i vërtetë. Është nder sepse ne njëherë kemi qenë nëpër takime në Zoom duke diskutuar për Ballkanin Perëndimor. Ju konsiderj gjithmonë një folës tejet interesant dhe nuk është sa për ta thënë në këtë skenë, sepse mund të jeni mjaft provokues cka më përlqen si holandeze. Priresh të jesh shumë i drejtpërdrejtë, kështu që është një nder t’ju takoj ballë për ballë.

Rama: Le të themi që jam i bindur tani.

Ndonëse mbajti fjalim për rreth 20 minuta, Piri u detyrua që ta ndërpriste, gjë që Ramës nuk i pëlqeu aspak dhe nuk hezitoi t’i thoshte 2 fjalë.

Piri: Ja këtë urrej kur moderoj sepse ka vetëm 2 minuta.

Rama: Nuk duhet të kërkosh kufij kohe kur do të flasësh me burra nga Ballkani. Kurrë!

Piri: Kam për të mësuar shumë nga ju.

Rama: Ne vijmë nga një traditë ku flasim shumë dhe kam përshtypjen që Margaret Thatcher e kishte me ne kur tha: “Nëse doni të flisni, gjeni burra, nëse doni të ndreqni gjërat, bëjeni me gratë”.

Në fjalimin e tij në kongresin e Partive Socialiste Europiane, kryeministri Edi Rama ka kërkuar mbështetje nga BE për të përballuar krizën energjitike. Rama e quajti të tmerrshme faktin se të rinjve shqiptarë, BE nuk u ofron akses arsimor europian por kërkon rini të kualifikuar.