Rajon
Reagimi për të dhënat e Censit/ Ministri i Jashtëm i RMV: Ishte një gabim teknik
![](https://ntv.al/wp-content/uploads/2024/06/timco-mucunski.jpg)
Ministri i Punëve të Jashtme të RMV, Timço Mucunski u shpreh se ka folur me ministrin Igli Hasani me të cilin është në forumin në Dubrovnik, pas së cilës menjëherë janë kontaktuar shërbimet shqiptare për të korrigjuar gabimin e pretenduar nga Shkupi zyrtar se është bërë me Censin e vitit 2023.
“Hasani më njoftoi se për atë pyetje ishte një gabim teknik. Sinqerisht do të them se i jam mirënjohës për ndërhyrjen e shpejtë, tha Mucunski në një prononcim për mediat.
Ai tregoi se së bashku me kryeministrin Hristijan Mickoski e kanë përcjellë situatën.
Paraprakisht, përveç përdorimit të termit “Maqedonasit e Veriut”, ministria e Jashtme e RMV ka reaguar edhe për rezultatet paraprake të regjistrimit të popullsisë, të cilat, siç kanë treguar, nuk pasqyrojnë numrin real të maqedonasve etnikë në Shqipëri.
![](https://ntv.al/wp-content/uploads/2022/08/LogoWeb.2-e1644580268739.png)
![](https://ntv.al/wp-content/uploads/2023/12/OledroHot.gif)