Rekord në Shkodër, regjistrohet temperatura -22 gradë Celsius

Në Qafën e Thores në Shkodër është shënuar temperatura rekord në vendin tonë, minus 22 gradë Celsius.

Kjo gjë ka sjellë akull dhe ngrica në rrugën drejt pikës turistike të Thethit. E njëjta situatë është edhe në Kelmend të Malësisë së Madhe, ku temperaturat në Vermosh shënuan -16 gradë.

Ndërkohë, në Pukë termometri nën zero, ka sjellë ngrirjen e liqenit në qytet. Prej një jave, Shqipëria është nën pushtetin e një moti të ashpër, me temperatura të ulëta, erë të fortë dhe ngrica.

Përmirësimi i motit pritet pas fundjavës.