Rikthimi i fuqishëm i Trump: Do ta fitojmë betejën tregtare me Bashkimin Evropian

Presidenti i SHBA-së, Donald Trump tha se ai do t’i përgjigjej patjetër masave hakmarrëse të shpallura nga Bashkimi Evropian në përgjigje të tarifave të SHBA-së, nëse Brukseli vendos të ecë përpara.

“Sigurisht që do të përgjigjem”, u tha Trump gazetarëve përpara se të mirëpresë kryeministrin irlandez Michael Martin në Shtëpinë e Bardhë.

Presidenti amerikan më pas tha se ishte i bindur se Shtetet e Bashkuara “do të fitojnë betejën tregtare me BE”.

Komisioni Evropian kishte njoftuar më parë masa hakmarrëse ndaj tarifave të reja amerikane që do të godasin mallrat me vlerë rreth 18 miliardë euro dhe do të hyjnë në fuqi në mes të prillit. BE do të rivendosë gjithashtu masat e ribalancimit të 2018 dhe 2020 duke filluar nga 1 prilli.

Kjo vjen pasi tarifat amerikane prej 25% për të gjithë çelikun dhe aluminin e importuar hynë në fuqi mesnatën e sotme.

Një zyrtar i lartë i BE-së tha se qëllimi i Komisionit Evropian “është të minimizojë sa më shumë që të jetë e mundur” ndikimin e tarifave amerikane, një ndikim që “do të jetë atje”.