Rindërtimi i Gazës pas luftës, Egjipti shpalos planin, do të kushtojë 53 miliardë dollarë

Ministri i Jashtëm egjiptian, Badr Abdelati tha se një plan rindërtimi i Gazës që do të siguronte që palestinezët të mbeten në tokat e tyre është hartuar dhe do të prezantohet në konferencën urgjente arabe që do të mbahet sot.

Reuters raporton se plani prej 112 faqesh përfshin harta që tregojnë se si do të rizhvillohet Gaza dhe imazhe të zhvillimeve të banesave, kopshteve dhe qendrave komunitare të krijuara me ndihmën e Inteligjencës Artificiale.

Plani përfshin një port tregtar, një qendër teknologjike dhe hotele buzë detit.