Sport
Ronaldo vendos rekordin e radhës në “Kamp Nou”: Jemi një ekip kampionësh, kështu fitohet Champions-i
Hera e fundit për ballë Lionel Mes it në Ligën e Kampioneve ishte 9 vite më parë, por mbi të gjitha, fansat e argjentinasit nuk kishin reshtur së ia kujtuari se nuk kishte shënuar ende golin e parë ndaj “Pleshtit” në Europë. Dhe hakmarrja e portugezit ishte ekzemplare, dopietë, fitore 3-0 dhe i rrëmben rivalit të përjetshëm vendin e parë në grup. Prandaj, vetë Ronaldo nuk kishte se si të mos ishte euforik pas fitores së djeshme.
“Për mua është gjithmonë bukur që të rikthehem në Spanjë, por edhe në Katalonjë, sepse të luash në ‘Kamp Nou’ është gjithmonë e vështirë. Barcelona është pa dyshim një nga skuadrat më të forta dhe më të mira me të cilat jam përballur, por fatkeqësisht për ta, sot (dje) ata gjetën përballë një skuadër kampionësh… Por Juventusi nuk është vetëm kjo, por në të njëjtën kohë një familje e vërtetë, e fortë dhe e bashkuar. Madje, duke luajtur kështu, nuk kemi asgjë për të pasur frikë përballë askujt, deri në fund të sezonit. Prandaj, forca djema, forca Juve, sepse kështu fitohet Champions-i”, ishte postimi i gjatë i Kristiano Ronaldos pas ndeshjes në rrjetet sociale të portugezit i cili vazhdoi edhe mbrëmë me vendosjen e disa statistikave të frikshme si më poshtë:
– Falë dopietës së tij, Ronaldo mposhti Barcelonën në shtëpi pas 7 vitesh pa humbje në Champions (e fundit në 2013-ën, ndaj Bajernit).
– “Kamp Nou” u shndërrua në stadiumin që Kristiano Ronaldo ka shënuar më shumë gola në transfertë (14 realizime) gjatë karrierës së tij.
– Kristiano Ronaldo, autori i 134 golave në Ligën e Kampioneve dhe 752 në karrierë, dje festoi golin e 14-të ndaj katalanasve, në 13 transfertat e fundit të luajtura ndaj tyre.
– Me dopietën e djeshme, Ronaldo u ngjit në kuotën e 20 golave, në duelet ndaj Barcelonës.
– Ndërkohë, ajo e djeshmja ishte dopieta e tretë për Ronaldon ndaj Barcelonës, pas asaj në tetorin 2012 (La Liga) dhe në shkurt të 2013-ës në Kupën e Mbretit.
PANORAMA SPORT
Sport
“Derbi nuk ka favorit”/ Mehmeti: Luftë deri në fund, ju tregoj kontratën time
Derbi i kryeqytetit, Partizani-Dinamo, pritet të vendosë jo pak mbi fatet e dy ekipeve këtë sezon. Trajneri Dritan Mehmeti nuk preferon të flas për favoritë, pasi në një sfidë derbi mund të ndodhë gjithçka. Mehmeti është i bindur se gara është e hapur deri në fund, ndërsa në lidhje me kontratën e tij ai theksoi se i ka përmbushur të gjithë objektivat:
“Vetë pozicioni në tabelën e renditjes jo vetëm në “Final 4”, por edhe për poshtë, ka ngarkesë për ne si skuadër dhe të tjerat, që kanë nevojë për pikë. Më komode është vetëm Egnatia. Këto 5 javë do të jenë mjaft të luftuara.
Nuk derbi nuk ka favoritë, e ka treguar hitoria dhe statistikat. Është i paparashikueshëm, ka emocione të veçanta, luan rol aspekti spikologjik, mënyra si lojtarët menaxhojnë këto 90 minuta. Jemi në një pikë të veçantë të sezonit, ku ka nevojë për pikë.
Partizani ka ndryshuar shumë, sidomos për organikën, që e ka të pasur, me lojtarë cilësorë. Është i plotësuar në të gjithë repartet. I ka dhënë tonin futbollit shqiptar. Partizani ka elementë shumë të mirë, fakti që kam qenë pjesë e tij nuk është plus për ne. Të imponon shumë respekt.
Kemi bërë një marrëveshje me presidentin që skuadra të jetë në Superiore. Kemi dhe një objektiv tjetër që të evitojmë “play-out”-in dhe këtu kontrata ime është e përfunduar. Për më tepër do të jetë plus për ne si staf dhe për presidentin, që e meriton, sepse ka investuar shumë.
Lojtarët e Partizanit dinë të menaxhojnë situatat, dinë të ngrihen, kur vijnë nga vështirësitë. Duhet të bëjmë maksimumin, sepse kemi arritur deri këtu me punë dhe sakrifica të mëdha. Do të japim më të mirën në fushën e Partizanit.
Fusha? Do të më pëlqente të luanim në “Air Albania”, sepse fusha e stadiumit të Partizanit është sintetike. Për të dyja skuadrat do të ishte më mirë, kam frikën se mund të na dëmtohen lojtarët. Është vendosur dhe jemi para një fakti. Do të bëjmë maksimumin, pa nxjerrë justifikime”.
Dinamo City mban vendin e 4-t në renditje, 2 pikë pas Partizanit të vendit të tretë.
Sport
Real Madrid i falet “ruletës ruse”: Madrilenët mposhtin Manchester City, në gjysmëfinale kundër Bayern
Bayern Munich – Real Madrid, kjo është gjysmëfinalja e dytë e Champions League. Bayern Munich fitoi 1-0 me Arsenalin në ndeshjen e kthimit çerekfinale të Champions League dhe merr biletën për në gjysmëfinale, duke iu falur golit të Kimmich në minutën e 63.
Manchester City 1-1 Real Madrid (3-4 pas penalltive)/ Real Madrid i falet portierit Andriy Lunin dhe penalltive pas 120 minutave të mbyllura 1-1 kundër kampionëve në fuqi të Champions League. “Galaktikët” e nisën ndeshjen mirë dhe kaluan në avantazh me Rodrygo pas 12 minutave lojë, para se “Qytetarët” të kontrollonin gjithçka dhe të barazonin me De Bruyne në të 76 minutë. Pas kohës së rregullt dhe 30 minutave shtesë ndeshja përfundoi 1-1, teksa gjithçka u vendos nga “ruleta e penalltive”. 3-4 fituan madrilenët, me portierin e Real, Lunin, që bëri dy pritje kundër Silvas dhe Kovacic. Te Real gaboi Modric penalltinë e parë, por në fund fati ishte me djemtë e Ancelottit.
Bayern Munich 1-0 Arsenal/ Gjermanët kalojnë në gjysmëfinalen e Champions League duke mundur “Topçinjtë”. Duhej goli i Kimmich në minutën e 63-të që Bayern të merrte një biletë për më tej, me ndeshjen e parë në Londër që kishte përfunduar 2-2. Tanimë me rezultatin e përgjithshëm 3-2 në dy takime, djemtë e Tuchel vijojnë më tej. Ndërkohë, Manuel Neuer është bërë portieri me më shumë ndeshje pa pësuar gol në historinë e Champions League me 58 të tilla, duke lënë pas Iker Casillas me 57 ndeshje dhe Buffon me 52.
Bayern Munich – Real Madrid do jetë ndeshja e parë më 30 prill në Munich, ndërsa më 7 maj dueli i kthimit luhet në Madrid. Kujtojmë se gjysmëfinalja tjetër do jetë Dortmund – PSG. Dy skuadra gjermane kanë shanse të jenë në finalen e Champions këtë sezon në Londër.
Champions League – faza çerekfinale – ndeshjet e kthimit:
E martë, 16 prill 2024
VIDEO/ Barcelona 1-4 PSG (3-2 ndeshja e parë)
VIDEO/ Dortmund 4-2 Atl. Madrid (1-2 ndeshja e parë)
E mërkurë, 17 prill 2024
VIDEO/ Bayern Munich 1-0 Arsenal (2-2 ndeshja e parë)
VIDEO/ Manchester City 1-1 Real Madrid (3-4 pas penalltive) (3-3 ndeshja e parë)
Skema
Sport
Në radarët e Barcelonës bie “ylli” japonez
“Fantazisti” 26-vjeçar i sulmit, Kaoru Mitoma ka hyrë në sezonin e tij të dytë, te “pulëbardhat” e Brighton, teska është kthyer në një nga protagonistët e skuadrës së teknikut De Zerbi, me këtë të fundit që po bën mrekulli me skuadrën në elitën e futbollit anglez.
Falë performancave “magjike”, në “Amex Stadium”, Mitoma tashmë ka tërhequr vëmendjen e “gjigandve” evropian, me “katalanasit’ e Barcelona, që janë të interesuar për “yllin” japonez, teksa prej kohësh vuajnë mungesën e një lojtari cilësor në krahun e majtë të fushës.
Ndërkaq, kujtojmë se deri në këtë pikë të sezonit, Mitoma ka zbritur plot 26 herë në fushë për skuadrën e Brighton, duke arritur të shënojë 3 gola, si dhe të asistojë 5 herë të tjera për shokët e tij të skuadrës.
Sport
Osimhen drejt Parisit, Parizjenët gati të paguajnë klauzolën e nigerianit
Pas një tjetër sezoni fantastik, te “Blutë” e Napoli, “bomberi” nigerian, Victor Osimhen duket se do t’i japë fund “aventurës” së tij italiane, teksa gjatë merkatos së verës 25-vjeçari mund t’i japë lamtumirën “Maradona Stadium”, me një sërë “gjigantësh” të futbollit evropian, që janë të gatshëm të zbrasin arkat e tyre.
Sipas raportimeve më të fundit të mediave italiane, “gjigantët” francezë, të Paris Saint-Germain janë vënë prej kohësh pas sulmuesit nigerian, i cili sipas pikëpamjes së “Parisienëve” duhet të zëvendësojë Kylian Mbappe, me francezin që pritet të largohet në drejtim të Spanjës, e më konkretisht te “Galaktikët” e Real Madrid, që e kërkojnë prej vitesh.
Sa i përket formulës së blerjes, klubi francez është gati të paguajë të gjithë shumën e klauzolës së lirimit të sulmuesit, vlerësuar në rreth 120 milionë euro, ndërsa në aspektin personal, kampionët në fuqi të Ligue 1 janë gati t’i ofrojnë një kontratë 4-vjeçare dhe një pagë prej 13 milionë euro në sezon nigerianit.
Sport
Një bluzë dhuratë për 455 ndeshjet me Interin, Handanovic i emocionuar: “San Siro” stadiumi më i mirë
Interi i dhuroi një fanellë speciale Samir Handanovicit si dhuratë për 455 paraqitjet e portierit me zikaltërit. Handa luajti si titullar në shumicën e ndeshjeve, teksa numëron një titull në Serie A, dy trofe të Kupës së Italisë dhe dy tituj të Superkupës së Italisë.
“Për mua është një ditë e veçantë, i jam mirënjohës klubit dhe tifozëve për gjithë këto vite të kaluara së bashku edhe pse duhet thënë që nuk kanë qenë gjithmonë të lehta. “San Siro” është emocionues për të gjithë ata që luajnë futboll. Për mua mbetet gjithmonë stadiumi më i mirë me tifozët më të mirë. Të luaja këtu për mua ishte një ëndërr që u bë realitet”, – U shpreh Handa për mediat italiane.
-
Pinknews20 hours ago
‘Ke kryer akte të turpshme para kafshës’/Stresit zbulon se Juliana Nura ka qenë në burg
-
Pinknews17 hours ago
Bardhi i ulur në gjunjë i propozon Sarës për martesë, ajo i tha…
-
Pinknews17 hours ago
Jashtë ‘Big Brother’ dhe larg Meritonit, Ilnisa Agolli bën ndryshimin drastik në pamjen e saj
-
Politike22 hours ago
“Ballë për Ballë me Regjimin”/ Meta për protestën: Kjo është opozita e vërtetë
-
Pinknews20 hours ago
“Kërkoj falje mamit tim, o budalla”/ Meritoni i përmendi Eglës gjyqin me Saimir Kodrën
-
Politike19 hours ago
Kryetarja e Prezencës së OSBE në Tiranë takon Metën: Mbështesim plotësisht SPAK-un
-
Aktualitet19 hours ago
Protesta para Bashkisë së Tiranës/ Ambasada italiane dënon dhunën
-
Bota17 hours ago
E rëndë/ Sulmohen me thikë tre gra, autori qëllohet nga policia (DETAJET)