Salah, gjithnjë e më afër largimit nga Liverpool

Liverpooli po kalon një fazë tranzicioni që po ndikon negativisht në të. Me largimin e lojtarëve si Wijnaldum apo Sadio Mane, skuadra që arriti të fitonte Ligën e Kampionëve tani ata zënë pozitën e gjashtë në Premier League pas një sezoni me shumë ulje-ngritje. Tashmë, me largimin e Firminos, të cilit i përfundon kontrata në fund të sezonit, mund të shtohet edhe ajo e Mohamed Salah. Me largimin e futbollistit egjiptian, Liverpool do t’i jepte fund treshes së suksesshme (Mane, Salah dhe Firmino) që i ka sjellë kaq shumë gëzim skuadrës britanike.

Siç raporton The Mirror, pala kryesore e interesuar për Mohamed Salah është Paris Saint-Germain. Skuadra pariziene ka pësuar një pengesë të rëndë në Champions League dhe projekti i tyre i ri është kthyer nga emocionues në një dështim të vërtetë. Me ardhjen e mundshme të Zidane dhe disa shitje, duke përfshirë edhe largimin e mundshëm të Neymar, skuadra franceze dëshiron të punojë në ndërtimin e një skuadre që do t’i lejojë ata të luftojnë për Champions.