Samiti për Ukrainën ishte show për Vuçiçin/ Presidenti kroat akuzon dhe demaskon

‘Samiti i Ukrainës dhe Evropës Juglindore qe u zhvillua në Dubrovnik javën ekaluar ishte një shfaqje për presidentin serb Aleksandar Vuçiq, i cili nuk duhej të ishte ftuar atje’- keshtu tha presidenti kroat Zoran Milanoviq.

“Kam folur me Vuçiqin në drekë në Tivat dhe kur dëgjova se ishte i ftuar në Dubrovnik, qesha me vete dhe thashë – Kjo nuk do të përfundojë mirë”, u tha Milanoviq gazetarëve, duke iu referuar takimit të Procesit Brdo-Brijuni.

Kujtojme se në samit u miratua Deklarata e Dubrovnikut, në të cilën u shpreh mbështetja e fuqishme e vendeve të Evropës Juglindore për Ukrainën.

Edhe pse paraprakisht ishte paralajmëruar se Serbia do të përfaqësohej nga ministri i Jashtëm, presidenti i Serbisë sërish kishte shkuar në takimin në Dubrovnik pa lajmeruar.

Milanoviq deklaroi se Vuçiq është president i një vendi që ende ka lidhje të drejtpërdrejta me Moskën dhe se nuk vendos sanksione ndaj Rusise.

“Prisnin që Vuçiqi të pajtohej me deklaratën që Plenkoviqi dhe bashkëpunëtorët e tij formuluan në mënyrë të ngathët dhe në të cilën përmendeshin sanksionet kundër Rusisë?” Atëherë pse e thirrët Vuçiqin?”, theksoi Milanoviq.

Në Dubrovnik, para konferencës së përbashkët për shtyp të Plenkoviqit dhe Zelenskit, Vuçiq bëri një deklaratë për media në të cilën theksoi se Serbia ka arritur të ndryshojë disa pika kyçe të Deklaratës së Dubrovnikut, duke përfshirë sanksionet ndaj Rusisë.