Senatorët letër Biden: Sanksione të ashpra ndaj Kosovës dhe Serbisë nëse…

Tetë senatorë amerikanë i kanë drejtuar një letër Presidentit të Shteteve të Bashkuara të Amerikës, Joe Biden, ku shprehen të shqetësuar për tensionet në rritje në veri të Kosovës.

Në letër vlerësohen përpjekjet e SHBA-së për de-përshkallëzimin e tensioneve, por sipas tyre, këto përpjekje nuk kanë qenë reciproke veçanarisht nga Kosova, dhe shprehen se për shkak të kësaj qasjeje ata kanë gatishmëri për ta ndryshuar mbështetjen e Kongresit ndaj Albin Kurtit dhe Aleksander Vucic.

Ata gjithashtu janë shprehur të zhgënjyer nga veprimet e fundit të qeverive të Serbisë dhe Kosovës që rrezikojnë mundësitë për normalizim, sipas tyre, duke marrë vendime provokuese që kërcënojnë perspektivën e përmirësimit të marrëdhënieve bilaterale.

Ata kanë kërkuar presion të shtuar diplomatik për t’i dhënë fund krizës dhe për të rifilluar progresin e nisur sipas Marrëveshjes së Ohrit.

“Zoti President, Shtetet e Bashkuara kanë luajtur gjithmonë një rol konstruktiv në rajon, dhe ne dëshirojmë që kjo përfshirje të vazhdojë. Por, nëse elementët themelorë të marrëdhënies sonë me Kosovën dhe Serbinë nuk janë reciproke, ju inkurajojmë të konsideroni hapa të mëtejshëm për të kufizuar” – thuhet në letrën e senatorëve amerikanë