Serwer: Si mund të shkojë Serbia drejt Perëndimit me Vulin e sanksionuar

Shtetet e Bashkuara të Amerikës kanë sanksionuar shefin e inteligjencës serbe, Aleksander Vulin pas lidhjeve të tij me Rusinë dhe ndihmesën që i ka dhënë Moskës në përpjekjet për të destabilizuar rajonin e Ballkanit Perëndimor. SHBA ka specifikuar se një vendim i tillë nuk është kundër institucioneve të Serbisë.

Lidhur me këtë vendim ka folur edhe ambasadori amerikan në Beograd, Christopher Hill, duke shprehur dëshirën e tij që Serbia t’i bashkohet botës Perndimore.

Për këtë ka reaguar analisti amerikan, Daniel Serwer, duke pyetur se si mund të shkojë drejt Perëndimit një shtet që e ka të sanksionuar shefin e inteligjencës për shkak të ndihmesës që i ka dhënë Rusisë.

“Si do të sillni një vend drejt Perëndimit, me një shef inteligjence të sanksionuar se ndihmoi ndikimin keqdashës rus”, ka pyetur Serwer.