Serwer: Vuçiç nuk ka askënd për të fajësuar përveç vetes

‘Presidenti serb Aleksandar Vuçiç nuk e ka më mbështetjen e Perëndimit siç e kishte dikur’ – Keshtu ha për Radion Evropa e Lirë Daniel Serwer, profesor në Universitetin Johns Hopkins në SHBA, duke saktesuar gjithashtu se «Vucic është kthyer shumë qartasi nga Moska dhe Pekini»

Eksperti amerikan për Ballkanin hodhi poshtë pretendimet e Vuçiçit se protestat antiqeveritare që po zgjasin prej disa muajsh në Serbi, të udhëhequra nga studentët, janë një përpjekje për një “revolucion me ngjyra” të organizuar nga jashtë vendit.

Sipas Serwer, «Vuçiç nuk ka askënd për të fajësuar përveç vetes».

Në komentin e tij mbi deklaratën e Ministrisë së Jashtme ruse mbi protestat në Serbi, Serwer tha gjithashtu se Moska do të ushtrojë presion mbi Vuçiçin që t’i shtypë protestat.

«Me Vuçiçin dhe rusët, gjithmonë ekziston rreziku i përshkallëzimit ose shpërqendrimit për shkak të një incidenti tjetër destabilizues në Kosovë», u përgjigj ai kur u pyet nëse kishte rrezik përshkallëzimi dhe ndikim në stabilitetin rajonal.

Serwer i sheh protestat në Serbi si “një shenjë të sinqertë të pakënaqësisë popullore me punën e qeverisë”, por theksoi se protestuesit nuk duket se kanë krijuar një alternativë të qartë politike. Ai theksoi se Uashingtoni dhe Brukseli nuk janë veçanërisht të interesuar për protestat në Serbi, të cilat u shkaktuan nga shembja e një tendë betoni në stacionin hekurudhor të Novi Sadit, dhe per të cilën protestuesit fajësojnë për korrupsionin.

Serwer gjithashtu shpjegoi heshtjen mbizotëruese të zyrtarëve evropianë ndaj protestave në Serbi, të cilat kërkojnë gjithashtu zgjedhje të parakohshme parlamentare.