SHBA duhet ti tregojë muskujt Vuçiçit, por ka frikë ta bëj

“Është sinjal i mirë që qeveria e re në Malin e Zi, dëshiron ta çojë vendin në Bashkimin Evropian deri në vitin 2028, por për ta bërë këtë, qeveria duhet t’i thotë qartë “jo” Beogradit dhe Rusisë, gjë që nuk e shoh të ndodhë” – kështu tha në një intervistë për ‘Pobjeda’, Ivana Stradner, këshilltare në Fondacionin për Mbrojtjen e Demokracisë në Uashington.

Stradner është e mendimit se presidenti i Serbisë, Aleksandër Vuçiç, dëshiron të sundojë si vendin e tij ashtu edhe rajonin, dhe se ai kur të dojë mund t’i vërë flakën Ballkanit në “lojën e tij balancuese” midis Lindjes dhe Perëndimit.

Nga ana tjetër sipas saj, Rajoni është larg prioriteteve të Brukselit dhe Uashingtonit dhe se këta nuk ka asnjë strategji konkrete, përveçse të bëjmë gjithçka që situata të mos përshkallëzohet.

Stradner gjithashtu ka folur edhe për situatën në Kosovë dhe ndikimin e Rusisë tek Serbia për të trazuar Ballkanin.

“Është pozitive që pas përshkallëzimit të fundit të situatës në Kosovë, për shkak të sulmit terrorist në Banjskë,Perëndimi ka hapur sytë dhe po e le mënjanë verbërinë, por kjo nuk mjafton. Me mbështetjen e Moskës, Vuçiç do të vazhdojë të përshkallëzojë Ballkanin” – deklaroi Stradner.

Këshilltarja në Fondacionin për Mbrojtjen e Demokracisë në Uashington, deklaroi se viti 2023 do të mbahet mend për ngjarje të shumta që përfunduan me tensione, pasiguri, përshkallëzime që çuan në konflikte dhe trazira.

“Viti 2023 konfirmoi se rendi liberal ndërkombëtar është i pambrojtur. Shumë pëlqejnë të thonë se kjo është Lufta e Ftohtë Nr 2, por mua më kujton gjithnjë e më shumë botën e para Luftës së Dytë Botërore dhe rritjen e boshtit të së keqes.

Kjo reflektohet edhe në rënien e demokracisë në Rajonin e Ballkanit, si pershembull me pretendimet terrirotiale rajonale të Serbisë me mbështetjen e Kinës dhe Rusisë. Nëse ka një gjë që është e përbashkët për rajonin, si dhe për politikën globale, është se dobësia e fuqive perëndimore vetëm sa trimëron regjimet autoritare. Diktatorët kuptojnë vetëm gjuhën e muskujve, por në Perëndim nuk janë gati të tregojnë force, nga frika se mos shkaktojnë probleme edhe më të mëdha” – theksoi Stradner.

Sipas saj, Moska nuk ka nevojë të sjellë avionë dhe tanke në rajon. Asaj I mjafton të vazhdojë me këto lloj përshkallëzimi situatash që e mbajnë Ballkanin një zonë gri

“Dëgjoj shpesh se Aleksandër Vuçiç ka frikë të hyjë në luftë me NATO-n. Ne fakt ky eshte një bllof i tij. Duhet kujtuar se pak muaj më parë u plagosën të paktën 30 pjesëtarë të misionit paqeruajtës të NATO-s në Kosovë. Çfarë bëri NATO? Asgjë, veçse ka shkruar se është shumë e shqetësuar. Kjo është dhurata më e madhe për Putinin, i cili po përpiqet të tregojë se NATO nuk është gjë tjetër veçse një “tigër prej letre” dhe nuk do bëjë asgjë. Putin nuk ka ambicie strategjike për të pushtuar Ballkanin. Ai ka nevojë për rajonin në mënyrë që të përdorë kaosin këtu për të shantazhuar Perëndimin se nëse Brukseli ose Uashingtoni nuk duan kaos, duhet të negociojnë me Moskën.

Po a mund të rezultojë gjithë ky përshkallzim me një luftë si në vitet ’90? Nuk e di. Lufta në zonën gri, e cila është pak më poshtë pragut të e konfliktit të armatosur, është çelësi i Ballkanit dhe Putin, dhe Aleksander Vuçiç e di mirë këtë.” – potencoi Stradner