SHBA nuk do ta harrojnë arrogancën e Kurtit

Analisti politik Shkëlzen Maliqi tha se SHBA-të nuk do ta harrojnë arrogancën e kryeministrit te Kosoves Albin Kurtit gjatë dy viteve të fundit dhe shtoi se ai duhet ta kuptojë se “problemi i Kosovës nuk mund të zgjidhet pa fuqitë e mëdha”.

“Nuk e di se çfarë mund të presë ky grup i drejtuar nga Kurti, sepse ka kohë që është bojkotuar relativisht nga zyrtarët amerikanë. Kjo mund të jetë mundësia e fundit që u është dhënë për të marrë pjesë në kuvendin e Partisë Demokratike. Ndoshta ai atje duhet te takoje Kamala Harris-in dhe përfaqësuesit e administratës së ardhshme amerikane, teksa ka qene i bojkotuar nga ata ne vitet e fundit, pasi pershembull eshte treguar arrogant ndaj ambasadorit amerikan ne Prishtine dhe ndaj diplomatëve që morën pjesë në dialogun me Beogradin” – deklaroi Maliqi dhe shtoi se ndoshta administrata e re në SHBA do të jetë disi e hapur, sepse ende është e interesuar për Kosovën.

“Është diçka që unë e shoh si pozitive, por nuk mendoj se do t’i harrojnë këto dy vite, kur Kurti luajti rolin e të paturpshmit dhe të një njeriu arrogant që i vendos kushte edhe administratës amerikane edhe BE-së” – theksoi analisti politik.

Sipas mendimit të tij, Beogradi dhe Prishtina në dy vitet e fundit në njëfarë mënyre kanë bojkotuar dhe vështirësuar dialogun, gjë që, siç tha ai, është bërë edhe nga Vuçic edhe nga Kurti për të fituar kohë dhe për të mos ndërmarrë disa masa jopopullore.

Per Maliqin, problemi i Kosovës nuk është vetëm problemi i Serbisë dhe as vetëm problemi i Prishtinës, por edhe problem rajonal.

Ai beson se viktimat më të mëdha në ketë proces ishin serbët e Kosovës, në veri, dhe se braktisja e institucioneve krijoi vakum që e lejoi Kurtin të sillet i pakordinuar.

“Tani do shihet nese Kurti do ta kuptoje se Amerika nuk do të ndryshojë qëndrimin e saj, por se problemi i Kosovës nuk mund të zgjidhet pa fuqitë e mëdha. Ne nuk mund të llogarisim te behemi antare as ne Këshillin e Evropës, pasi prej një viti jemi nën sanksione, sepse nuk i përmbushim detyrimet” –  kujtoi Maliqi dhe shtoi se në vjeshtë dhe në pranverë do të shihet nëse do të ketë ndryshime në strategji, por është e sigurt se si Brukseli ashtu edhe Uashingtoni do të insistojnë në zbatimin e asaj që është rënë dakord dhe shkruar.

Maliqi po ashtu theksoi se Kurti më herët ka tentuar të fitojë në Kosovë pa mbështetjen e SHBA-së, por tani edhe ai dhe Vjosa Osmani, të paktën në deklaratat e tyre, thonë se i kanë marrëdhëniet më të mira me SHBA-në, “edhe pse ndonjëherë nuk nuk e kuptojmë njëri-tjetrin”.