Shefi i OKB nuk jep shpresë për fundin e luftës

Sekretari i Përgjithshëm i OKB-së, António Guterres ka deklaruar se ai mendon se një marrëveshje paqeje për t’i dhënë fund luftës në Ukrainë nuk është afër.

“Ne jemi shumë larg fundit të luftës”, u tha ai gazetarëve pas një telefonate të mërkurën me presidentin rus Vladimir Putin.

“Armëpushimi nuk është në dukje. Unë do të gënjeja nëse do të thoja se do të ndodhte”, shtoi ai.

Diplomati tha se ai diskutoi një sërë çështjesh me Putinin, duke përfshirë marrëveshjen e grurit dhe mundësinë e eksporteve ruse, por paralajmëroi se ka pengesa për eksportin e ushqimit dhe plehrave ruse.

“Ne po rrezikojmë mungesën e ushqimit në botë më vonë këtë vit”, tha Guterres.

Të dy diskutuan gjithashtu për të burgosurit e luftës dhe Guterres citoi Putinin të thoshte se nuk do të kishte pengesa nga Rusia në lidhje me panelin që do të kryente një mision faktmbledhës për sulmin e muajit të kaluar në burg në rajonin e pushtuar nga Rusia të Ukrainës Lindore, ku dhjetëra persona u vranë.