Shkon në 56 numri i të helmuarve në Bulqizë, qytetarët me të vjella në spital

Ka shkuar në 56 numri i personave të helmuar në Bulqizë.

Ka dyshime se shkak është bërë konsumimi i ujit të çezmës i cili është përzier me ujërat e zeza. 

Qytetarët e helmuar kanë mbërritur këtë pasdite duke shfaqur shenja helmimi dhe të vjella.

Fillimisht ngjarja është tentuar të mbahet e fshehtë, por me shtimin e të helmuarve ka dalë në dritë shkaku.

Vlen të thuhet se kjo nuk është hera e parë që qytetarët në Bulqizë helmohen nga uji i pijshëm megjithatë asgjë nuk është bërë për ta hetuar këtë problematikë.