Shkon në mbi 23 mijë numri i të vdekurve

Numri i të vdekurve nga tërmeti i 6 shkurtit që tronditi Turqinë dhe Sirinë ka shkuar në 23 831 të vdekur. Me këtë shifër të lartë të numrit të të vdekurve, tërmeti me magnitudë 7.9 ballë është në listën e 10 tërmeteve më vdekjeprurës gjatë 20 viteve të fundit. Ekipet e shpëtimit janë ende në kërkim të rrënojave për të mbijetuar, por shpresat po zbehen më shumë se pesë ditë që nga tërmeti i parë. Pamje të realizuara me dronë nga lartësia shfaqën shkatërrimin e lënë pas, me lagje të tëra të rrafshuara. Ndërkohë, presidenti i Sirisë, Bashar al-Assad, ka kritikuar vendet perëndimore se nuk kanë ‘përfillur gjendjen njerëzore’, duke iu referuar sanksioneve nga Bashkimi Evropian dhe Shtetet e Bashkuara, të cilat sipas zyrtarëve qeveritarë dhe mediave siriane do të pengojnë ndihmat. Kryqi i Kuq Ndërkombëtar ka kërkuar akses në të gjithë territorin e Sirisë veriore të goditur nga tërmeti, ku mbërritja e ndihmave urgjente është e ndërlikuar nga lufta e gjatë civile mes grupeve opozitare dhe qeverisë siriane. Pas tërmetit shkatërrues që shkaktoi mbi 23 mijë humbje jetësh në Turqi dhe Siri, kanë nisur hetimet për ndërtesat që u rrënuan. Një prej kontraktorëve të rezidencës “Rilindja” me 250 apartamente në Hatay ku qëndronin 1000 njerëz u arrestua teksa tentonte të arratisej drejt Malit të Zi.