Shoferi humb kontrollin dhe godet kolonën e urës, niset drejt spitalit në gjendje kritike

Një aksident rrugor është regjistruar pasditen e sotme në Bulqizë, në segmentin e Rrugës së Arbrit. Një mjet tip “Turan” ka humbur kontrollin dhe ka goditur kolonën e urës.

Në momentin e aksidentit, në mjet ndodhej vetëm shoferi, i cili ka pësuar dëmtime të rënda dhe është transportuar menjëherë në spitalin e Bulqizës për mjekim, ku mësohet se gjendja e tij është e rënduar.  Nuk dihen ende shkaqet dhe rrethanat e aksidentit, sakaq autoritetet janë duke hetuar për zbardhen e plotë të rastit.