Shpërndanin kokainë e kanabis në kryeqytet, përfundojnë në pranga dy të rinjtë (Emrat)

Policia ka goditur dy raste të tjera të shpërndarjes së drogës në kryeqytet, duke arrestuar dy persona të përfshirë në shitjen e lëndëve narkotike.

Në një operacion të zhvilluar nga Komisariati i Policisë Nr. 4 dhe Seksioni për Hetimin e Narkotikëve, u arrestua Grid Preni, 26 vjeç, pasi gjatë kontrollit në banesën e tij u gjetën doza kokaine dhe një sasi kanabisi të destinuara për shitje.

Ndërkohë, Forca e Posaçme “Shqiponja”, në bashkëpunim me Seksionin për Hetimin e Narkotikëve, arrestoi Albis Hasdukaj, 26 vjeç, pasi në automjetin e tij u gjetën disa doza kanabisi të gatshme për tregtim.

Gjithashtu, u procedua në gjendje të lirë pasagjerja e mjetit, 33-vjeçarja V. C., për moskallëzim krimi.