Shpërthimi i digës në Kherson/ Von der Leyen: Rusia duhet të paguajë

Ursula von der Leyen , presidentja e Komisionit të BE-së, tha se Rusia do të duhet të “paguajë për krimet e luftës të kryera në Ukrainë” në Twitter.

Ajo e cilësoi shkatërrimin e digës Nova Kakhovka një “sulm të egër ndaj infrastrukturës civile që vë në rrezik mijëra njerëz në rajonin Kherson”.

Ajo konfirmoi gjithashtu se BE-ja ka angazhuar mekanizmin e saj të mbrojtjes civile, i cili do të “shpërndajë me shpejtësi” pompat e ujit të papastër, stacionet e lëvizshme të pastrimit të ujit dhe varkat tek ata që janë prekur nga shpërthimi i digës.