Shprehjet frymëzuese nga femrat që kanë udhëhequr botën

Këto femra të mrekullueshme kanë frymëzuar miliona njerëz me fjalët e tyre të mençura.

Në këtë artikull ju sjellim 10 nga shprehjet më frymëzuese nga lideret femra që nuk pranojnë asnjëherë Jo si përgjigje.

1. Eleanor Roosevelt – Zonja e Parë e Shteteve të Bashkuara nga viti 1933-1945

“Ju duhet të pranoni çdo gjë që ju vjen në jetë dhe gjëja më e rëndësishme është që ta përballoni me guxim dhe të jepni më të mirën që duhet.”

2. Margaret Thatcher – Kryeministrja e Mbretërisë së Bashkuar nga viti 1979-1990

“Mos ndiq turmën, bëj që turma të të ndjekë ty.”

3. Hillary Clinton – Zonja e Parë e Shteteve të Bashkuara nga viti 1993-2001, Senatore e Shteteve të Bashkuara në New York nga 2001-2009 dhe Sekretarja e 67-të e Shteteve të Bashkuara nga viti 2009-2013

“Çdo moment i humbur duke parë mbrapa, na bën të mos ecim përpara. Në këtë botë dhe botën e së nesërmes, duhet të shkojmë përpara së bashku ose nuk do të shkojmë farë”, – Pas fushatës së saj për presidente për vitin 2008

4. Michelle Obama – Zonja e Parë e Shteteve të Bashkuara nga viti 2009-2017

“Mos merrni kurrë vendime bazuar në frikë. Merrni vendime bazuar në shpresë dhe mundësi. Merrni vendime bazuar në atë që duhet të ndodhë, jo atë që nuk duhet”.

5. Sheryl Sandberg – COO e Facebook dhe Themeluese e LeanIn.org

“Lidershipi nuk është bullying dhe nuk është agresion. Lidershipi është pritshmëria që ju mund të përdorni zërin tuaj për mirë. Që ju mund ta bëni botën një vend më të mirë”.

6. Angela Merkel – Kancelare e Gjermanisë

“Është shumë herë më mirë të flasim me njëri-tjetrin, sesa të flasim për njëri-tjetrin”.

7. Shirley Williams – Deputete dhe anëtare e ‘Gang of Four’

“Ekzistojnë rreziqe në gjithçka që bën njeriu, por ka rreziqe më të mëdha kur nuk bëni asgjë”.

8. Nancy Astor – Anëtarja e parë femër e Parlamentit në Mbretërinë e Bashkuar

“Është i pashpresë fakti që ju përpiqeni të shkoni përpara kur jeni duke parë mbrapa”.

9. Zadie Smith – Autore

“Ju duhet ta jetoni jetën me bindjen e plotë se veprimet tuaja do të mbesin. Ne jemi krijesa të pasojave”, – nga libri White Teeth

10. Mbretëresha Elizabeta II – Mbretëresha e Mbretërisë së Bashkuar

“Kur jeta duket e vështirë, guximtarët nuk mposhten dhe pranojnë humbjen, por ata janë më të vendosur për të luftuar për një të ardhme më të mirë.”