Politike

“Shqipëria ka sot një kryeministër të ri”/ Berisha: Lal Vjedhësi e mundi Ramën që në raundin e parë

“Ndeshja midis kryebalozit të zi të vjedhjve të qeverisë Edi Rama dhe kryebalozit të zi të vjedhjve të Bashkisë Erion Velia u fitua 100% sapo filloi raundi i parë nga Lali Vjedhësi”

Kështu shprehet kreu i PD-së, Sali Berisha në një reagim të tij, në lidhje me qëndrimet që mbajtln kreu i qeverisë dhe kreu i bashkisë së Tiranës, pas arrestimet për korrupsion të disa prej drejtorëve të bashkisë lidhur me aferën miliona euro të “5D”.

Berisha e konsideron si shantazhues ndaj kryeministrit Edi Rama, fjalim që mbajti ditën e djeshme Erion Veliaj. Ky i fundit sipas liderit demokrat, i shpalli heronj drejtorët e tij hajdutë dhe “i ra kokës” Edi Ramës, duke i përmendur ish-zëvendësin e tij, Arben Ahmetaj.

Sipas Berishës, Veliaj zgjodhi ta kërcënonte Ramën me Ahmetajn, për shkak të deklaratës së këtij të fundit se “njerëzit do llahtarisen kur të mësojnë të vërtetat për djegësin e Tiranës”. Kjo për shkak se ato që ka informacion Ahmetaj, i di edhe Veliaj, madje dhe më në thellësi, i cili deri sot ka zhdukur 100% të 130 milionë euro para të paguara nga Edi Rama të taksapaguesve shqiptarë për djegësin e Tiranën

Berisha shton më tej se Veliaj di edhe më shumë se Ahmetaj për aferat e Ramës, si 30% që merr në çdo kullë të Tiranës dhe tjetërsimin, vjedhjet me klientelën e tij të pronave dhe objekteve që shkojnë qindra milion euro

Kreu i PD-së deklaron se kjo është arsyeja që kryeministri Edi Rama i përgjigjet me përgjerim dhe përulësi dhe vetëposhtërim absolut, me çarçaf të bardhë dhe me kapitullim total sulmit të koduar të Erion Velisë

Berisha shton më tej se me këtë zhvillim dramatik që sot Shqipëria de facto ka një kryeminister të ri, vjedhësin 100% të fondeve publike, Erion Veliajn.

Reagimi i plotë:

Shqipëria gdhiu sot me një kryeministër të ri.

Të dashur miq, çdo ditë dhe çdo javë opozita dhe mediat denoncojnë vjedhje mbas vjedhje nga qeveritarët qendror dhe lokal dhe piramida e tyre e hajnisë.

Por dje u shpërfaq para shqiptarëve, më e shëmtuar se kurrë, fytyra e vërtetë e Republikës së vjedhësve. Dje ndeshja midis kryebalozit të zi të vjedhjve të qeverisë Edi Rama dhe kryebalozit të zi të vjedhjve të Bashkisë Erion Velia u fitua 100% sapo filloi raundi i parë nga Lali Vjedhësi.

Në daljen e tij publike kundër Edi Ramës dhe skapit të kontrolluar prej tij Erion Veliaj:

-Së pari mbrojti drejtorët e tij hajdutë me të cilët ka vendosur modelin e vjedhjes 100% të dhjetra milionë euro në prokurime publike. Ai nuk u tha atyre se keni ngrënë fiq prapa shpinës time, por i shpalli ata si kolegë heronj të vërtetë të tij dhe qytetitit të Tiranës dhe vetëkuptohet si viktima të Skapit të kontrolluar nga Edi Rama.

-Së dyti me daljen e tij terrorizuese për Edi Ramën, Veliaj pasi paraqiti si heronjtë e tij dhe viktima të spakut kolegët e tij, shkoi direkt te Edi Rama, i ra kokës atij me Arben Ahmetaj, zëvendësi më i ngushtë dhe në arrati i Edi Ramës. Jo të gjithë e kuptuan se pse Veliaj zgjodhi Arben Ahmetajn për të kërcënuar Ramën.

Gjykuar nga efekti kapitullant që pati mbi Ramën sulmi me Arben Ahmetajn, arsyeja pse Veliaj zgjodhi pikërisht Ahmetajn qëndron në dekleratën e këtij të fundit se ‘njerëzit do llahtarisen kur të mësojnë të vërtetat për djegësin e Tiranës’. Pra del qartë se të vërtetat llahtarisëse që dinë Arben Ahnetaj për Ramën i din madje dhe më në thellësi Lali Vjedhësi i cili deri sot ka zhdukur 100% të 130 milionë euro para të paguara nga Edi Rama të taksapaguesve shqiptarë për sipërmarrjen Rama-Veliaj, djegësin e Tiranën që sot pas gjashtë viteve nuk ka nam as nishan.

Por përveç llahtarisjes me djegësin e Tiranës, Veliaj din edhe llahtarisje të tjera për Ramën si 30% e tij në çdo kullë të Tiranës dhe tjetërsimin, vjedhjet me klientelën e tij të pronave dhe objekteve që shkojnë qindra milion euro.
Prandaj si kurrë, kurrë ndonjëherë më parë në më pak se 1 orë Edi Rama i përgjigjet me përgjerim dhe përulësi dhe vetëposhtërim absolut, me çarçaf të bardhë dhe me kapitullim total sulmit të koduar të Erion Velisë duke deklaruar se jo vetëm ishte dakord me çdo fjalë, por dhe me çdo presje të Erionit. Çfarë do të thotë në kod se do lëpish edhe presjet e mia.

Shpejtësia e rrufeshme e përgjigjes të Edi Ramës ndaj Erion Velisë dëshmon se ishte Veliaj ai që në mënyrë ultimative i kishte diktuar Ramës afatin kohor të përgjigjes publike jashtë të cilit Rama nuk do mund të përgjigjej me.

Por po kaq poshtërues dhe i pamëshirë ishte teksti që lexoi Edi Rama në të cilin ai peng i bashkëvjedhjeve të mëdha me Velinë duhet të miratontnte 100% dhe pa i hequr një presje sikur të ishin fjalë profeti, sulmin që i bëri Veliaj për arrestimin nga Rama të heronjve bashkëvjedhësve të Velisë dhe t’i pranonte ata jo si mëkatar që kanë ngrënë fiq pas shpinës së Lali Vjedhësit, por si heronj edhe të tij dhe t’i egzoneronte pa shkuar në Gjykatë nga çdo keqbërje dhe përgjegjësi.

Me këtë zhvillim dramatik që sot Shqipëria de facto ka një kryeminister të ri, vjedhësin 100% të fondeve publike, Erion Veliajn.

O sot o kurrë!

Politike

Çështja e katërt që ka në dorë SPAK-u ndaj Ilir Metës

Gazetari Igli Çelmeta shpjegoi se pse kreu i PL, Ilir Meta sulmon Altin Dumanin, drejtuesin e institucionit më të lartë të drejtësisë.

Çelmeta u shpreh se Meta ndihet i frikësuar se SPAK mund ta arrestojë, pasi hetimet për tre çështje janë drejt përfundimit. Po ashtu gazetari thekson se SPAK po heton familjen Meta edhe për pasurinë.

“Partia e Lirisë është një parti e degraduar, ka qenë thjesht një shtojcë midis pushtetit. Këto sulme të fundit të Metës, ndaj institucionit më të rëndësishëm, SPAK-ut, bëhen për çështjet që prokuroria po heton ndaj familjes së tij dhe Kryemadhit.

E konfirmuar është se ka 3 kallëzime në SPAK, nga avokati Romeo Karaj për çështjen CEZ-DIA, ish-deputeti Halit Valteri dhe avokati Idajet Beqiri.

Pra, tre çështje: CEZ-DIA, lobimi dhe operacionet plastike. Por po hetohet edhe për pasuritë e familjes Meta, këto çështje kanë kohë që po ndiqen dhe SPAK-u ka kopsitur disa çështje pas kontrolleve që janë bërë në banesa.

SPAK nuk ka dhënë asnjë deklaratë zyrtarisht, përveç kur Altin Dumani i dha përgjigje Metës pas sulmeve. Meta ka bërë deklaratë të pakontrolluar kur tha se Dumani kishte lidhje me Nuredin Dumanin. Deklaratat që bën Meta ndaj SPAK, lë të kuptohet se hetimet e Prokurorisë janë drejt mbylljes, dhe kreu i PL ka informacion se mund të rrezikojë dhe burgun”, tha gazetari

Politike

Berisha: Veliaj mos të luajë me nervat e qytetarëve se do varet në shtyllën e turpit të sheshit “Skënderbej”

Ish-kryeministri Sali Berisha në fjalën e tij të mbajtur përpara simpantizantëve poshtë ballkonit të banesës, ku ndodhet në “arrest shtëpie” tha se Veliaj nuk duhet të luajë më me nervat e qytetarëve.

Berisha theksoi se kryebashkiaku Veliaj do të varet në shtyllën e turpit të sheshit Skënderbej.

“Dhe ky është Erion Vjedhësi.

Edhe njëherë, dhe një mijë herë do kërkojmë gjer në një ku janë 135 milionë euro të djegësit që nuk ekziston.

Ku i ke çuar Erion? Ku i ke fshehur o hajdut? Nuk ta falim ne kurrë këtë mo.

Jep dorëheqjen, mos luaj me nervat e qytetarëve se në shtyllën e turpit të sheshit ‘Skënderbej’ do varesh”, tha Berisha.

Pjesë nga fjala e Berishës:

Është e vërtetë se çdo natë denoncojmë vjedhjet e qeverisë. Por e bëjmë këtë se ne duam që të rrisim rrogat dhe pensionet.

Sepse ne duam që t’u faktojmë shqiptarëve se ku do i marrim ne paratë për të dy dhe trefishuar rrogat e tyre.

Sepse ne duam t’u faktojmë shqiptarëve se sëmundja vërtet është një fatkeqësi, por se ajo bëhet dy herë më e madhe kur i sëmuri nuk merr dot ilaçt që i takojnë sëmundjes.

Kur i sëmuri mjekohet me ilaçe të skaduara.

Kur i sëmuri përjashtohet nga operacioni sepse spitali nuk paguan dot sterilizimin e veglave nga kompania Rama-Beqja.

Miqtë e mi, ne jemi kyçur në një betejë pa kthim.

Në një betejë që nuk mund të njohë gjë tjetër përveçse fitores kundër një eksponenti botëror në vjedhje. Botëror në paturpësi. Botëror në pacipësi.

Dhe ky është Erion Vjedhësi.

Edhe njëherë, dhe një mijë herë do kërkojmë gjer në një ku janë 135 milionë euro të djegësit që nuk ekziston.

Ku i ke çuar Erion? Ku i ke fshehur o hajdut? Nuk ta falim ne kurrë këtë mo.

Jep dorëheqjen, mos luaj me nervat e qytetarëve se në shtyllën e turpit të sheshit ‘Skënderbej’ do varesh.

Dhe me germa të zeza do shkruhet emri yt si hajduti më i madh që ka njohur bashkia në tërë historinë e saj.

Politike

‘Askund dhe asnjëherë’/ Shkëlzen Berisha mohon takimin me Erion Veliajn: E kam neveri

Shkëlzen Berisha, djali i ish-kryeministrit Sali Berisha, ka reaguar në lidhje me deklaratën e djeshme të gazetarit Ylli Rakipi, i cili deklaroi se para disa vitesh kishte gjetur duke darkuar në një restorant aët së bashku me gazetarin Çim Peka dhe me kryebashkiakun e Tiranës, Erion Veliaj.

Në një postim në rrjetet sociale, Shkëlzen Berisha përgënjeshtron deklaratën e Rakipit, teksa sipas tij, ai nuk është takuar kurrë me Veliaj. Ai shkruan më tej se me Veliajn e lidh vetëm neveria ndaj shpifjeve të adresuara nga ai ndër vite, ndaj tij, si dhe ndaj fëmijëve dhe familjarëve të tij.

Shkëlzen Berisha bën apel që emri i tij të mos përdoret si instrument në luftën e brendshme të grupeve e klaneve në pushtetin e kalbëzuar të Edi Ramës. Po ashtu, ai ka disa fjalë edhe për ata “pseudo opozitaë” siç i quan ai, që mungesën ulëritëse të reagimit ndaj vjedhjes së 160 milion eurove të inceneratorëve dhe kompanisë “5D”, kërkojnë dëshpërimisht ta fshehin e justifikojnë pas çdo trillimi e shpifje për të bërë opozitën e opozitës për llogari të pushtetit.

Reagimi i plotë:

Sot lexova per nje trillim te percjelle ne nje studio televizive per gjoja nje takim timin me Erion Veline para shume vitesh.

Se pari sado qesharak pretendimi, ne respekt te vertetes dhe te opinionit me duhet te sqaroj se nuk jam takuar KURRE me personin ne fjale

ASKUND dhe ASNJEHERE.

Me Erjon Veline me lidh vetem neveria ndaj shpifjeve te adresuara nga ai nder vite, ndaj meje, femijeve dhe familjareve te mi.

Se dyti pavaresisht neverise ndaj personit ne fjale, deshiroj qe emri im te mos perdoret si instrument ne luften e brendshme te grupeve e klaneve ne pushtetin e kalbezuar te Edi Rames, qe sot e gjithe diten, helmojne dynjane duke spiunuar e shpifur per njeri tjetrin!

Se treti ky sqarim behet dhe per ata pseudo opozitare qe mungesen ULERITESE te reagimit ndaj vjedhjes se 160 milone eurove ne aferat e inceneratoreve dhe kompanise 5D, kerkojne deshperimisht ta fshehin e justifikojne pas cdo trillimi e shpifje per te bere opoziten e opozites per llogari te pushtetit.

Politike

Rama është një Veliaj i gjatë

Nga Basir Çollaku

Edi Rama nuk e largon Erion Veliajn nga vetja, si zgjatimi kryesor i tij, bashkëvjedhës kanibal, thjesht duke e prerë nga një foto.

Alarmi është Rama. Veliaj është aksesor për të që ai e heq si fletushkë. Të gjithë brenda oborrit të pushtetit, u fikën dhe nuk po e mbrojnë hajdutin bashkiak që plaçkiste me dijeni e leje të Ramës.

Rama është një Veliaj më i gjatë, më dinak më i pasur e më hileqar. Por ngjajnë në shumë lloj pervesitetesh.

Lidhjet kriminale i kanë në të njëjtën parcelë. Arrestimi i grabitësit bashkiak duhet të jetë paradhoma e prangave të shefit të tij politik. Kjo ndëshkueshmëri nuk zgjidhet me bedelizëm. Lejet e ndërtimit në Tiranë nuk janë firmosur asnjëra pa dijeni-miratimin e Kryeministrit.

Veliajt i duhet të shkërmoqte me drejtorët e tij të gjithë financat publike, sepse nuk e mbante dot qesen me përqindje, ngaqë duhej të paguante taksimin në vendin e duhur qeveritar.

Pema ku do të varet bashkiaku sipas midesë se shefit, ka degë edhe për Ramën. Bashkiaku është një nga provat e inkriminimit ekstrem të kreut të qeverisë. Në Shqipëri dhe nëpër ofshore.

Kjo është provë opozitare edhe për të fshehtat që do përdoren nga palët për të mbijetuar. Kush nuk ka mëkate do të shihet nëse hedh gurë mbi fajtorin. Në këtë zënkë të fundit mes tyre nuk po shfaqet as tutori i përbashkët Alex Soros. Fundja ai ka kryer hallet e tij me blerjet. Është koha për shitje..Rama dhe Veliaj ishin dhe janë PPP e tij.

Me këto dosje të nisura, SPAK ka hapur një shteg përvëlues, që nuk mund ta mbyllë as vetë SPAK.

Politike

Deputeti i PD kundër Berishës dhe Metës: SPAK, i vetmi mjet shpëtimi për vendin

Deputeti i PD, Dashnor Sula vlerëson punën e Prokurorisë së Posaçme në goditjen e korrupsionit të nivelit të lartë dhe krimit të organizuar.

Sula tha se SPAK drejtohet nga një prokuror me integritet dhe i ndershëm si Altin Dumani.

Deklaratat e deputetit demokrat janë kundërthënëse me qëndrimet e ish-kryeministrit Sali Berisha dhe kreut të Partisë së Lirisë, Ilir Meta të cilët e quajnë SPAK-un çetë partiake dhe mashë në duart e PS.

“Në çdo takim të gjithë qytetarët e thjeshtë flasin për SPAK-un. Kanë besim qytetarët që do të shpëtojnë nga kjo e keqe e madhe që ka kapur Shqipërinë nga mazhoranca dhe politika në tërësi. Thonë do të jetë SPAK-u mjeti i shpëtimit. Është fatkeqësi, por është e vërtetë. Nuk pretendoj që të gjithë prokurorët e gjyqtarët e SPAK janë shumë të mirë. Por po përmend katër persona, dy dibranë Altin Dumanin dhe Adnan Xholin, Behar Dibra e Elvin Goga të cilët janë të katër prokurorë me integritet dhe shumë të ndershëm“, u shpreh Sula, duke shtuar se rezultatet e SPAK janë pozitive pavarësisht pengesave që i bëhen nga politika.

Ola Bruko: Jeni pro zgjatjes së mandatit së prokurorëve të SPAK?
Dashnor Sula: Këto mprokurorë duhet të jenë në detyrë si të gjithë prokurrët e tjerë, jo me afat kohor. Specifika e punës që ka Prokuroria e Posaçme dhe Gjykata është e një rëndësie jashtëzakonisht të veçantë. Nëse nuk kanë garancinë e përmbushjes së detyrave, pasi ikin nga kjo detyrë mund të kenë probleme. Këto duhet të jenë aty në respektim të ligjit dhe Kushtetutës. Deri më sot rezultati është pozitiv, pavarësisht pengesës që i bëhet.

Ola Bruko: Cili është shembulli konkret që tregon se puna e SPAK ka qenë e kënaqshme?
Dashnor Sula: Ne kemi 34 vite. Kanë kaluar mjaft politikanë. Pse nuk ka ecur politika aty ku duhet të shkojë, por mban erë të keqe? SPAK s’ka as 4 vitete aktivitet real. Me zotin Dumani në krye e këtej ka ndryshime thelbësore. Rasti i fundit i thirrjes dhe pyetjes së kryetarit të bashkisë 7-8 orë. Unë kam bindjen që ai do të jetë perosn në hetim, tjetër gjë se çfarë nxjerr hetimi, por indiciet janë mjaft të forta. Një qytetar sot më tha: 10% këta e marrin për tendera, por këta nuk lënë asgjë të lëvizë paraja, që ta marrë biznesi, firmat, por këta i duan të gjitha për vete”. Problematikat janë të mëdha. Veliaj nuk mund të dalë të shesë moral në televizione. Nuk kam asgjë personale me të. Paratë tona i marrin drejtorët e tij, pasurohen, bëjnë hotele me 5 yje dhe të thuash nuk di gjë. Ata dinë edhe orarin e drejtorit kur hyn në bashki, edhe të nëpunësit më të thjeshtë e dinë kur hyn.