Shqipëria nuk gjen qetësi/ Atentat ndaj ‘të fortit’ të Durrësit

Shqipëria nuk gjen qetësi, pasi një tjetër ngjarje e rëndë kriminale ka tronditur vendin tonë.

Mediat raportojnë se mesditën e së hënës një atentat me eksploziv ka ndodhur në zonën e Shkozetit duke hedhur në erë automjetin në pronësi të Aldo Mustafës.

Nuk dihet ende nëse në makinë ka qenë vetë Aldo Mustafa apo makinën e kishte në përdorim dikush tjetër.

• Kush është Aldo Mustafa?

Aldi Mustafa, 37 vjeç, banues në Durrës, nuk është një emër i panjohur për policinë. Ai rezulton i dënuar më parë për veprat penale “Kanosja” dhe “Prodhimi dhe shitja e narkotikëve”, me 10 vite burg, në Gjermani.

Mësohet se Mustafa më herët ka qenë anëtar i një bande të njohur në Durrës, ndërsa ka pasur lidhje me ‘Rrumin’, një personazh i njohur dhe i përfolur në ngjarje kriminale, siç ishte dhe atentati ndaj ish-prokurorit Arjan Ndoj.