“Shqiptarët e Shqipërisë kanë inate ndaj atyre të Kosovës”/ Stresi i reagon ashpër aktorit të njohur

Reperi i njohur Arkimed Lushaj, i njohur si Stresi, ka reaguar ashpër ndaj aktorit të humorit Osman Azemi, pas deklaratës së tij në emision televiziv.

Osman Azemi kishte deklaruar se shqiptarët e Shqipërisë kanë inate ndaj atyre të Kosovës, pasi nuk kanë emra të dëshmuar si: Rita Ora, Dua Lipa, Majlinda Kelmendi, Xherdan Shaqiri e të tjerë.

Ai madje shtoi se inate të tilla mund të bëjnë atë që në ardhmen ta kalojë kufirin nga Rozhaja në Mal të Zi dhe jo nga Morina, në kufirin Kosovë-Shqipëri.

Kjo deklaratë ka ngjallur reagime të shumta dhe një ndër to ishte edhe reagimi i hapur i reperit Stresi. Ai ka publikuar në Instagram një video të emisionit, duke shprehur indinjatën e tij ndaj Azemit përmes një mesazhi të gjatë dhe tejet të ashpër.

Në postimin e tij, Stresi shkruante: “Armiqtë e Shqipërisë janë shqiptarët, jo të tjerë. Shqiptarët kanë shkruar me gjakun e tyre më tepër se një faqe në histori të Evropës. Nga më të voglat trazira gjer në luftërat më të gjakta, shqiptari ka hequr hark, vërvitur kordhë a zbrazur pushkë. A ka gjë më të turpshme, më të ulët se historia e këtij kombi që, për pak të holla, shet mish njeriu në çdo luftë, edhe kujt s’i erdhi dëshirim nga aq qindra vjet që e shkelin dhe e kurvërojnë të huajt, s’i erdhi dëshirim të japë dy pika gjak për lirinë e vetvetes?”.

Më tej ai vazhdoi duke shtuar: “Të donin shqiptarët lirinë e Shqipërisë lehtazi e bëjnë, por rrinë të patundur dhe kështu dëftojnë që s’e duan Shqipërinë, dëftojnë që janë armiqtë e saj. Por ti Osman kulugulu ta qift kosova rozhaja kuksi maqedonia nderin tond. Njerez si ti qe jan pagu me fol kshtu meritojn një cop muti në goje. Ti kur ke arrit me sha UÇK-në bashkë me ata tjerë të humorit mos pyt mo për ty. E ka fajin kokaina e flliqt se ti bashk me ata koleget e tu pe din për kon e kom jeni tu kry mall të keq, qata noshta s’jeni mirë hajde ka tirana po bjeri ka robve tu për me ardh e tjapim mall të pastër”.

Reagimet e Stresit kanë shkaktuar debat të gjerë në rrjetet sociale, duke ngjallur diskutime mbi marrëdhëniet midis shqiptarëve të Shqipërisë dhe atyre të Kosovës. Kjo nuk është hera e parë që deklarata të tilla ngjallin reagime të forta, dhe situata mes dy komuniteteve vazhdon të jetë një temë e ndjeshme dhe shpesh e diskutuar në të dyja anët e kufirit.