Shtatë jetët e Joe Biden

Internazionale.it

 Kryelajmi i stinës së verës në Shtetet e Bashkuara është sigurisht ringjallja e presidencës së Joe Biden. Brenda pak javësh, një administratë që dukej e dorëzuar, ka rifituar vrullin. Gjithçka nisi pas vendimit të Gjykatës së Lartë që anuloi të drejtën federale për abortin në fund të qershorit, një ngjarje që zgjoi elektoratin dhe politikanët demokratë derisa kulmoi me marrëveshjen e brendshme të Partisë që lejoi kongresin të miratonte propozimin më të rëndësishëm të programit politik të presidentit.

Akti i Reduktimit të Inflacionit siguron investimin më të madh në historinë e SHBA-së bashkë me iniciativat për të luftuar krizën klimatike, me 370 miliardë dollarë ulje taksash për makinat elektrike, prodhimin e energjisë së rinovueshme dhe shndërrimin e impianteve ndotëse.

Sipas Financial Times, as Bill Kinton e as Barack nuk kishin arritur kaq në tetë vitet e presidencës së tyre, në lidhje me dispozita të ndryshme për klimën, pavarësisht se kishin shumica solide ne Senat. Biden e bëri në mandatin e tij të parë dhe me një Senat të ndarë në gjysmë (50 demokratë dhe 50 republikanë)

Përveç kësaj, ligjet e realizuara prej administratēs Biden, disa prej tyre janë nga ato që demokratët janë përpjekur prej kohësh t’i bëjnë pa sukses. Në veçanti, mundësia që qeveria federale të negociojë çmimet e barnave drejtpërdrejt me kompanitë prodhuese, në mënyrë që të ulë kostot e tyre për qytetarët.

Tre ligjet e nënshkruara nga Biden përfaqësojnë ndërhyrjen më të rëndësishme ekonomike nga qeveria amerikane në dekadat e fundit. Aktit të uljes së inflacionit duhet t’i shtojmë dy masat kryesore të miratuara nga Kongresi në muajt e mëparshëm: planin amerikan të shpëtimit, një plan 1.9 trilion dollarë për të zbutur efektet e krizës së shkaktuar nga pandemia dhe aktin e investimeve në infrastrukturë dhe vendeve të punës. 1.2 trilionë për të rinovuar infrastrukturën e vjetër të vendit dhe për të zgjeruar aksesin në lidhjet me brez të gjerë. Të marra së bashku, të tre ligjet përfaqësojnë ndërhyrjen më të rëndësishme ekonomike nga qeveria amerikane në dekadat e fundit.

Biden nënshkroi gjithashtu në verë një ligj që ndan 52.7 miliardë dollarë subvencione për prodhimin dhe kërkimin e gjysmëpërçuesve dhe për t’i bërë Shtetet e Bashkuara më konkurruese shkencërisht dhe teknologjikisht me Kinën; paraqiti një plan që do të ndihmojë shumë studentë për të shlyer borxhin e akumuluar gjatë viteve të tyre të universitetit, dhe një temë tjetër shumë e dashur për një pjesë të elektoratit demokrat; njoftoi vrasjen e liderit të Al Kaedës, Ayman al Zawahiri në Kabul, një arritje e rëndësishme në operacionet kundër terrorizmit. Duke mbetur në politikën ndërkombëtare, shumë komentues besojnë se përgjigja e Bidenit ndaj pushtimit rus të Ukrainës – që forcoi aleancat e SHBA-së të dëmtuara rëndë nga presidenca e Trump dhe rivitalizoi NATO-n – e shpengoi pjesërisht tërheqjen e pasuksesshme nga Afganistani një vit më parë.

Sipas “Politico”, reagimi i Bidenit nuk është befasues, sepse qëndrueshmëria ka qenë gjithmonë pjesë e trajektores së tij politike. “Të heqësh dorë për të vdekur, në aspektin politik, sigurisht që nuk është një përvojë e re për të. Ndoshta kjo dinamikë i jep atij një lloj besimi mistik se në fund gjërat do të shkojnë mirë, edhe kur të tjerët të kenë humbur çdo besim në aftësitë e tij”.

Karakteristika themelore e kësaj mënyre të të bërit politikë – e krijuar në një epokë konfrontimi të ashpër, por në të cilën kompromiset ishin normale – është ideja se një marrëveshje është gjithmonë e mundur dhe se një marrëveshje në rënie është gjithmonë më mirë se pa marrëveshje.

“Biden nuk u dorëzua kur u bë e qartë se qëllimet më ambicioze ishin të pamundura. Nuk i dogji urat, kur shumë të tjerë ishin gati ta bënin këtë”.

Sukseset e fundit e kanë lejuar Biden të rifitojë njëfarë mbështetjeje, por vlerësimi i popullaritetit të tij mbetet veçanërisht i ulët. Kjo për shkak se shumica e amerikanëve vazhdojnë të jenë të shqetësuar për rritjen e çmimeve dhe priren të injorojnë tregues të tjerë pozitivë ekonomikë, siç është niveli i punësimit. Shqetësimet kryesore lidhen me çmimin e benzinës: tre të katërtat e amerikanëve, mendojnë se kushton shumë dhe fajësojnë administratën Biden.