SHTATORI I SUPERDERBIT TË MILANOS DHE I PËRPLASJEVE MES TË MËDHENJVE PËR SUPREMACI NË SERIE A EKSKLUZIVISHT NË TRING SPORT

Serie A ka nisur dhe shtatori do të jetë një spektakël i vërtetë me superderbi dhe përplasje titanësh. 

Me një kampionat krejtësisht të paparashikueshëm që në start për disa prej skuadrave, është koha të shtrohen sërish letrat dhe mundësitë në tavolinë, ose më saktë, në fushë. 

Ndeshjet e para të mëdha të një sezoni që duket se do të jetë i luftuar deri në çastin e fundit, do të jenë që në javën e tretë, në fundjavën e 1 shtatorit, kur në “Allianz Stadium” Juventusi, që duket se i është rikthyer shkëlqimit, do të presë e sfidojë Romën e Daniele De Rossit, të etur për të shijuar fitoren e parë të sezonit. Por edhe në “Stadio Olimpico” ku shqiponjat kryeqytetase të Lazios do të presin Milanin, që këtë herë, për emrin e skuadrës dhe për tifozerinë e zjarrtë, do të luftojë për jetë a vdekje, sepse nisja e kthesës pas zhgënjimit, nuk është më alternativë por detyrim. 

Ndërkohë, shtatori sjell edhe derbin e parë të sezonit 2024-2025, që ndodh të jetë edhe ai më elektrizuesi, më i shumëprituri për tifozeritë e dy kampeve kundërshtare, Superderbi i Milanos, që do të luhet fundjavën e 22 shtatorit, kur sytë e të gjithëve do të jenë në San Siro dhe në Tring Sport, për një përvojë ekskluzive dhe të paharrueshme. Inter kundër Milan, zikaltrit kundër kuqezinjve, dy skuadrat legjendare të kryeqendrës lombarde, shkojnë në një përballje që vit pas viti dhuron emocione dhe spektakël. Të besuarit e Inzagit si kampionët në fuqi, ndërsa djajtë e kuq të Fonsekës, si skuadra që mbart me vete dhe synon t’i rikthehet me çdo kusht lavdisë. Në fushë do të zbresin Lautaro, Turham, Çalhanoglu, Leao, Teo Hernandez, Morata e shumë kampionë e shumë talente të tjera në një betejë dhëmb për dhëmb. 

Sakaq, po fundjavën e 22 shtatorit, në krye të pankinës së Napolit, Konte do të përballet me sfidën e parë të madhe, atë kundër Juventusit së Thiago Motës, që ka nisur një rrugëtim të pandalshëm me fitore bindëse. Vlahoviç, Mbangula, Gatti, Kvaratshkelia, Raspadori, ndoshta edhe Lukaku, të gjithë në fushë për një qëllim, fitoren dhe 3-pikëshin me shije triumfi. 

Nuk do të mungojnë as të tjera sfida emocionuese, si ajo mes Atalantës së kapitenit Berat Djimshiti, kundër Fiorentinës, apo ajo mes Romës së Dybalës dhe Udinezes, përkatësisht në javën e katërt dhe të pestë të kampionatit. 

Por nuk mbaron me kaq, sepse edhe në “Coppa Italia” do të luhen 1/8-at, ku Genoa dhe Napoli do të kenë përballë Sampdorian dhe Palermon në dy takime plot adrenalinë dhe dëshirë për të fituar. 

Ç’t’ju themi? Shtatori do të jetë e skena ku do të luhen superderbi dhe përplasjet mes të mëdhenjve për supremaci në SERIE A, në kampionatin e futbollit më të dashur për të gjithë tifozët shqiptarë. Dhe siç e dini tashmë, i vetmi ekran ku mund t’i shijoni të gjitha këto emocione, në shtëpi apo kudo që ndodheni, është vetëm TRING SPORT, pasi Serie A, Coppa Italia dhe Supercoppa do të jenë ekskluzivitete absolute të pltaformës të paktën deri në vitin 2029 dhe s’do të mund të ndiqen askund tjetër. 

Jemi zyrtarisht në stinën më të bukur televizive dhe kanalet TRING SPORT do të jenë arena e kompeticioneve më elitare botërore, pasi TRING është platforma më e madhe sportive në vend, me propozimin më të pasur e gjithëpërfshirës për çdo tifoz e familje.