Shtëpia e Bardhë: Ushtria jonë ka rezerva mjaftueshëm për të rrëzuar regjimin iranian

“Ushtria amerikane ka më shumë se mjaftueshëm municione, municione dhe rezerva armësh për të vazhduar shkatërrimin e regjimit Iranian”

Kështu u shpreh në një deklaratë Shtëpia e Bardhë, përmes sekretares për Shtypin, Karoline Leavitt.

Duke iu referuar një takimi të presidentit amerikan Donald Trump me përfaqësues të disa prej firmave më të mëdha të mbrojtjes në vend, duke përfshirë Lockheed Martin, Boeing, Honeyëell dhe L3Harris technologies, Leavitt thotë se ky takim ishte planifikuar shumë kohë më parë, përpara se bombat të fillonin të binin mbi objektiva në të gjithë Iranin.

“Megjithatë, presidenti Trump ka qenë gjithmonë i përqendruar intensivisht në forcimin e ushtrisë sonë, prandaj ky takim me kontraktorët e mbrojtjes ishte planifikuar javë më parë, thotë ajo gjithashtu.

“Presidenti do të vazhdojë t’u bëjë thirrje këtyre kompanive amerikane që të ndërtojnë më shpejt armë të prodhuara në Amerikë, të cilat janë absolutisht më të mirat në botë”, shton Leavitt.

Disa ekspertë të mbrojtjes kanë paralajmëruar se shkalla aktuale e fushatës ajrore – si dhe kërkesa e konsiderueshme për aftësitë e mbrojtjes ajrore mes sulmeve të vazhdueshme hakmarrëse iraniane – mund të bëhet e vështirë për t’u përballuar nëse operacioni zvarritet.

Zyrtarët amerikanë, përfshirë Trumpin, janë përpjekur të kundërshtojnë çdo sugjerim se rezervat e armëve dhe pajisjeve mund të kufizojnë operacionet e tyre.