Si ndryshon seksi tek meshkujt pas të 50-tave?

Të kesh një jetë seksuale aktive dhe të kënaqshme është e këshillueshme për të gjitha moshat. Përfitimet janë të shumta, nga humori i mirë deri te lehtësimi i stresit, është një ilaç për sistemin imunitar dhe gjithashtu për parandalimin e të gjitha sëmundjeve të zemrës.

Dhe, edhe nëse me kalimin e viteve filloni të ndjeni ndryshime, mos e lini veten të dërrmoheni. Për femrat, ky moment tranzicioni zakonisht përkon me menopauzën, për meshkujt nuk ka asnjë ngjarje, por pas moshës 50-vjeçare sigurisht që fillojnë të ndjejnë disa ndryshime në mënyrën e të përjetuarit të seksit. “Nga pikëpamja biologjike, nga mosha 50 vjeç e në vazhdim ka një ulje të prodhimit të testosteronit që mund të ketë dy efekte: vështirësi në krijimin e ereksionit dhe vështirësi në mbajtjen e tij, – shpjegon psikoterapeuti dhe seksologu italian Matteo Merigo. – Për meshkujt mund të jetë e çuditshme sepse do t’ju duhet më shumë kohë ose do të ndjehen më pak të bukur se në të kaluarën.

Si ndryshon seksi pas të 50-ve për meshkujt?

Megjithatë, përtej moshës, ajo që ndikon në gjendjen shëndetësore të meshkujve, nga pikëpamja seksuale, është edhe stili i jetesës. “Vështirësitë me ereksionin mund të varen shumë edhe nga gjendja e përgjithshme shëndetësore e mashkullit dhe në veçanti një mënyrë sedentare jetese mund të çojë në një ulje të hershme të testosteronit”. Përveç uljes së testosteronit me rritjen e moshës, venat dhe arteriet priren të jenë më të ngurta. “Vaskulariteti është i ndryshëm nga ai kur jeni 20 vjeç. Ndryshimi tjetër ka të bëjë me ejakulimin. “Burrat mund të perceptojnë disa ndryshime: mund të kenë vështirësi në arritjen e tij dhe të vërejnë një ulje të sasisë së lëngut të prodhuar në fund të një marrëdhënieje.”

Kriza e moshës së mesme

Në pikën e kthesës së 50 viteve, kriza e moshës së mesme është afër. Dhe seksi, ulja e dëshirës, mund të na vërë para një barre ekstra. “Natyrisht që është shumë subjektive, disa meshkuj e kalojnë këtë krizë, të tjerë jo, disa hyjnë në krizë me partnerin dhe kërkojnë marrëdhënie me femra më të reja, ndërsa të tjerë fillojnë të ushtrojnë sport, ndryshojnë pamjen e tyre. Ata kërkojnë një ndryshim”. Vështirësia në arritjen e një ereksioni të kënaqshëm mund të shkaktojë probleme të mëtejshme: “Problemet e këtij lloji mund të shkaktojnë gjithashtu ulje të dëshirës nga pikëpamja psikologjike. Përsëri, do të fillojë të mendojë se nuk ishte një përjashtim i thjeshtë. Seksi do të bëhet një moment shqetësimi dhe kjo do të shkaktojë një ulje të dëshirës që do të rrezikojë të reflektojë edhe në marrëdhënie”.

Orgazma pas moshës 50-vjeçare

Edhe orgazma pëson ndryshime. “Nga 50 e lart, ejakulimi ka tendencë të ndryshojë dhe të jetë më pak i fuqishëm se në të kaluarën në aspektin sasior. Orgazma, në aspektin më rigoroz psikologjik, mund të ndryshojë: përtej sasisë së lëngut të prodhuar, bëhet fjalë për një çështje mendore. Nëse jam i kënaqur psikologjikisht, do të jem i kënaqur edhe fizikisht, por nëse vuaj, nëse nuk ndjehem mirë sepse kam pasur një problem gjatë ereksionit apo mbajtjes së tij, orgazma do të jetë domosdoshmërish gjëja më pak e kënaqshme”.

Këshilla, edhe për ata që po përjetojnë një periudhë të vështirë, është të mos heqin dorë kurrë nga seksi: “Duhet të përpiqeni të prezantoni diçka që e thyen pak rutinën, por gjëja e parë që duhet të bëni kur jeni duke përjetuar një vështirësi të tillë është mirë që të flasësh me një mjek për këtë, – sugjeron Merigo.

– E dyta është të shmangësh blerjen e suplementeve, ilaçeve për impotencën, në internet. Këto janë ilaçe absolutisht të padobishme dhe të rrezikshme.

– E treta është të vazhdosh të bësh seks, ndoshta duke u përpjekur të përmirësosh stilin e jetës, dhe përpiquni të ndryshoni zakonet brenda çiftit për të rivendosur seksualitetin në lëvizje. Kjo do të çojë gjithashtu në përmirësime të humorit (në sajë të prodhimit të serotoninës), ritmeve gjumë-zgjim, kujtesës”.

Thyerja e zakoneve është motoja e seksologut Merigo. “Rutina e prish marrëdhënien por edhe individët. Le të rivendosim paralojën dhe të fillojmë të mendojmë për seksualitetin në mënyrë lozonjare.

50 vjet nuk do të thotë të jesh i vjetër, është e vërtetë që aspekti që lidhet me riprodhimin ndryshon, le të themi që dështon, por aspekti i dëshirës, i lojës mund të rieksplorohet dhe të bëhet qendror në jetën seksuale të një çifti”.