Connect with us

Lifestyle

Si të Përgatisni Kekun me Mollë pa Gjalpë – Këshillat e Duhura

Mund të ju ketë ndodhur shpesh që kur doni të përgatisni një recetë nuk i keni të gjithë përbërësit.

Ai që mungon më tepër pas një dite të gjatë duke gatuar mund të themi se është gjalpi duke qenë se përdoret kudo.

Por për çdo problem ka një zgjidhje në kuzhinë, në mënyrë që të mos mbesni asnjëherë pa gatuar një nga ëmbëlsirat më të mira me fruta, në këtë artikull ju tregojmë si të përgatisni kekun me mollë e pa gjalpë.

Gjithashtu kjo mund të jetë një zgjidhje më e shëndetëshme për të gjithë ata që duan të kufizojnë yndyrnat e tepërta.

Përbërësit

650 gr mollë

120 gr miell

2 vezë

100 ml qumësht

50 sheqer

30 ml vaj

16 gr maja për ëmbëlsira

1 lëkurë limoni e grirë

Përgatitja

Për të nisur me përgatitjen e kësaj recete AgroWeb.org ju këshillon që të psini mollët në feta të holla.

Ndërkohë në një enë të thellë hidhni vezët dhe përziejini me një rrahës elektrik duke i shtuar pak nga pak edhe sheqerin.

Kur veza të jetë fryrë dhe sheqeri të jetë shkrirë, shtoni edhe lëkurën e grirë të një limoni.

Gjithnjë duke përzier hidhni po këtu miellin bashkë me majanë për ëmbëlsira.

Në fund shtoni pak nga pak vajin dhe qumështin dhe vazhdoni me përzierjen derisa të përfitoni një masë kremoze e homogjene brumi.

Zgjidhni një tavë me diametër 20 cm, lyejeni me pak vaj dhe sipër spërkasni pak miell.

Hidhni gjysmën e brumit duke e tundur herë pas here në mënyrë që të dalin të gjitha flluskat e ajrit që mund të ketë brumi dhe në mes shtoni disa feta mollë.

Sipas dëshirës këtë sasi mollësh mund ta prisni edhe në kubikë e ti hiqni lëkurën.

Më pas hidhni pjesën tjetër të brumit duke vepruar njësoj dhe vendosini sipër pjesën më të madhe të mollëve që i pretë në feta më parë.

Vendosini ato në formën e një luleje sipër njëra tjetrës derisa të mos keni më.

Ngjeshini ato me një lugë në fund hidhni pak sheqer sipër.

Futeni kekun tuaj të piqet në furrë të parangrohur në temperturën 180 gradë për 40 minuta.

Kur keku të ketë marrë ngjyrë të artë dhe të jetë pjekur brenda mund ta shërbeni të ngrohtë ose ta ruani të mbuluar në mënyrë të të qëndrojë i butë./AgroWeb.org

Advertisement
Click to comment

Leave a Reply

Your email address will not be published. Required fields are marked *

Lifestyle

Arsyet pse njerëzit bëhen supersticiozë

Bestytnitë janë kudo. Nga mesazhet zinxhir që ju kërkojnë “t’i dërgoni këtë letër apo e-mail 10 njerëzve të tjerë, dhe diçka e mirë do të ndodhë në 24 orët e ardhshme”, deri tek xhaxhai tuaj që mendon se skuadra e tij e zemrës nuk fitoi ndeshjen e fundit, për shkak se ai nuk kishte vënë në kokë kapelen e tij “fatsjellëse”. Sjellja supersticioze, mund të konsiderohet fare mirë si shenjë dalluese e natyrës njerëzore. Tek e fundit, ne nuk shohim që kafshët e tjera të veshin kapelet e tyre mefat apo të prekin objektet e tyre fatsjellëse, kur përpiqen të gjuajnë prenë e tyre, kërkojnë një partner, apo të mbrojnë veten nga rreziku. Ata thjesht kryejnë veprimet e tyre.

Psikologjia e sjelljes supersticioze

Për të kuptuar bestytnitë, kemi nevojë të kuptojmë se si dhe pse kanë lindur ato në mendjen e njeriut. Është një fakt i natyrës njerëzore që repertori ynë psikologjik, përmban vetëm sjellje që na sjellin përfitime, në një mënyrë apo tjetër. Nëse bestytnitë, pa marrë parasysh sa idiote mund të duken në pamuje të parë, nuk do të qenë të dobishme, s’do të kishin rëndësinë që kanë aktualisht. Këqyrja e modeleve apo shenjave që konfirmojnë betstytnitë e dikujt, është një tipar karakteristik i sjelljes supersticioze. Më poshtë po rendisim faktorët kryesorë psikologjike që çojnë tek sjelljet supersticioze…

1) Shkakësia e rreme mes dy ngjarjeve

Një nga paragjykimet më të mëdha konjitive të qenieve njerëzore është shkakësia e rreme mes dy ngjarjeve, pra kur kemi dy ngjarje njëra pas tjetrës, dhe e kemi zakon të mendojmë se ngjarja e parë është shkaku i ngjarjes që e pasoi. Për shembull, kur instaloni një lojë të re në kompjuterin tuaj dhe ky i fundit pëson difekt, ju keni të ngjarë të supozoni se është loja e shkarkuar ajo që e shkaktoi incidentin.

Ne fakt loja mund të mos ketë të bëjë aspak me defektin, që mund të jetë shkaktuar për shkak të disa problemeve të tjera në sistemin operativ. Shkakësia e rreme mes dy ngjarjeve, është shtylla kurrizore e shumicës së besëtytnive. Një mace e zezë kaloi rrugën e Anilit kur ai një mëngjes qe duke shkuar për në punë. Shumë shpejt, pësoi një aksident, nga ku theu këmbën.

Teksa gjendej i shokuar në dhomën e spitalit, ai qe i bindur se ishte macja ajo që kishte shkaktuar aksidentin.

Shena ia ngul sytë hamajlisë së saj që e kishte blerë nga psikilogu i saj që i kishte premtuar se ajo ndjell fat të mirë për ata që e mbajnë. Duke qeshur dhe pyetur se çfarë mrekullish mund të bënte hamajlia, ajo më në fund pranoi ta varë në qafë. Disa sekonda më vonë ajo mori një telefonatë nga bashkëshorti që i dha lajmin e jashtëzakonshëm të promovimit në punë. “Funksionon”- mendoi ajo, me një buzëqeshje të forte, dhe një vezullim në sytë e saj.

2) Nevoja për të plotësuar boshllëqet

Qeniet njerëzore kanë një dëshirë të fortë për të shpjeguar gjërat dhe mbushur boshllëqet. Dhe kur nuk mundemi të shpjegojmë gjërat me arsye, përdorim bestytnitë. Sikurse e pamë më lart në të pavërtetat që shkaktonin paragjykime, ne mund t’ia atribuojmë shkaqet ngjarjeve të caktuara, të cilat nuk kanë lidhje shkakësore me njëra-tjetrën. Ne vetëm sa mashtrohemi nga ndodhja e tyre e njëkohshme.

Edhe nëse të dyja ngjarjet nuk ndodhin në të njëjtën kohë, ne ende mund të pranojmë njërën si shkaku i një tjetre, falë nevojës sonë të rrënjosur për mbushjen e zbrazëtirave. Abidi pyeti veten pse pati një ditë e keqe. “Çfarë kam bërë për ta merituar këtë?”. Pastaj, papritmas u kujtua se një mëngjes kur ishte rrugës për në universitet, kishte injoruar një lypës i cili më pas e mallkoi për shkak të frustrimit. Ditën tjetër, Abidi u siguria të hidhte disa monedha në tasin e lypësit. Ai gjithashtu iu lut këtij të fundit të lutej për të dhe tërhiqte mallkimin. I hutuar, lypësi ia plotësoi kërkesën.

3) Nevoja për kontroll

Nevoja për të shpjeguar gjërat, është e lidhur fort me nevojën për kontroll. Atë që ne mundemi ta shpjegojmë, zakonisht mundemi edhe ta kontrollojmë. Kur kemi kontroll, ndjehemi të fuqishëm. Pa të, jemi të pafuqishëm. Në shembullin e mësipërm, Abidi ndjeu se kishte humbur kontrollin mbi jetën e tij për shkak të fazes së keqe që po kalonte. Ai duhej të gjente mënyrën për të rivendosur tek vetja iluzionin e kontrollit. Abidi qe ndjerë i pafuqishëm përballë jetës, kështu që duhej të bënte diçka për të rifituar këtë pushtet të humbur.

“E gjitha kjo po ndodh për shkak se ai lypësi më mallkoi. Nëse e rregulloj më të, do të mund ta nxjerr veten nga kjo situatë”. Ky ishte mendimi i tij i vetëdijshëm. Por në mënyrë të pandërgjegjshme, ai mendonte pa e shumë kështu… “Më në fund kam një shpjegim për atë që po ndodh. Kam rrikthyer me sukses kontrollin, dhe fituar pushtet mbi jetën time. Duke bindur të lypësin të tërheqë mallkimin, unë mund të ndryshoj tashmë fatin tim. Ndihem i fuqishëm”.

Nëse e dini që ndërprerja e rrugës nga macet e zeza, hapja e një çadre në shtëpi apo ecja nën një shkallë ndjell fatin e keq, ju mund t’i shmangni gjithnjë këto veprime dhe të parandaloni fatin e keq. Tanimë e keni mashtruar veten me sukses, duke menduar se keni kontroll të plotë mbi fatin tuaj. Sa shumë qetësuese dhe inkurajuese!

4) Fajësimi i faktorëve të jashtëm

Mendja e njeriut mundet ndonjëherë të bëjë çdo përpjekje për të mbrojtur egon. Ne kemi disa mekanizma mbrojtës të egos, që aktizivohen sa herë që egoja jonë ndihet e kërcënuar. Njëri nga këta mekanizma fajëson faktorët e jashtëm, mbi të metat për të cilat ne jemi personalisht përgjegjës. Është një mijë herë më e lehtë të bësh përgjegjës fatin e keq kur dështojmë në një përpjekje të caktuar, sesa të pranojmë se faji qëndron tek vetë mënyra jonë e të menduarit apo të punuarit. Një person mund të kapet pas bestytnive të tij, thjesht e vetëm se kjo e ndihmon të mbrojë egon e vet.

Një cikël vetë-përforcues

Në rrënjët e tij, supersticioni nuk është gjë tjetër veçse një besim i rremë. Kështu, ai funksionon ashtu si çdo besim tjetër. Pasi një bestytni zë rrenjë në mendjen e një personi, ky mbledh ‘prova’ për të forcuar besimin e tij. Përveç rasteve kur ai vë në pikëpyetje bestytnitë e tij, ose është i detyruar ta bëjë diçka të tillë, ai mund t’i mbajë ato në psikikën e tij gjithë jetën.

Continue Reading

Lifestyle

Vetitë e një bashkëshorti të mirë

Bashkëshortët janë njerëz shumë të mirë, por gratë dëshirojnë çdo herë një të mrekullueshëm dhe që kujdeset për to, pa marr parasysh se sa kohë ka kaluar që kur janë të martuar.

Ato dëshirojnë kujdesin dhe vëmendjen që ai iu ka kushtuar në fillimet e tyre.

Këto janë disa shenja që ai është bashkëshorti ideal:

– Ai nuk ndalet së angazhuari për ta fituar zemrën tuaj

– Ju pyet për ndonjë këshillë

– Ai flet për juve në shoqërinë e tij

– Jua mban shpesh dorën

– Nuk shikon pornografi

– Ju ndihmon në punët e shtëpisë

– Ju pëlqejnë gjërat e njëjta

– Ai ha ushqimet e juaja, bile edhe kur nuk janë të shijshme

– Ju bën të ndjeheni njeri i mirë

Continue Reading

Lifestyle

Tre shprehje të njerëzve me inteligjencë të lartë emocionale

Të dukesh i/e zgjuar dhe emocionalisht inteligjent nuk ka të bëjë vetëm me idetë apo shprehjet që po përpiqesh të përcillni, por edhe mënyra sesi e thoni këtë gjë.

Njerëzit shpesh përdorin fjalë dhe shprehje më inteligjente për t’u dukur më të thellë dhe depërtues. Kjo në fakt mund të ketë një efekt negativ, duke e lënë personin tjetër të ndihet i/e vetëdijshëm dhe i/e gjykuar.

Herën tjetër që të flisni me dikë, provoni të përdorni këto tre shprehje të thjeshta që në fakt, i përdorin kryesisht njerëzit me inteligjencë të lartë emocionale.

  1. “A mund të më tregosh më shumë për këtë?”

Kur dikush ju beson, veçanërisht për diçka të ndjeshme ose të rëndësishme, mendimi juaj i parë nuk duhet të jetë një gjykim i rastit.

Njerëzit me një koeficient të lartë emocional bëjnë pyetje që e bëjnë personin përballë të ndihet i/e dëgjuar dhe i/e pranuar dhe e shtyjnë drejt detajeve të reja dhe rrëfimeve të gjata dhe pa doreza, shkruan CNBC.

  1. “Unë mendoj…”

Kur je duke korrigjuar dikë ose duke dhënë një mendim, të thuash “ky ishte problemi” del si ofenduese dhe e vrazhdë.

Njerëzit me vetëdije dhe inteligjencë të lartë shmangin këto lloj deklaratash. Ata në fakt, bëhen më pranues të mendimeve dhe gjykimeve të të tjerëve, duke dhënë edhe idenë e tyre shumë thjeshtë dhe pa shumë pompozitet.

  1. “A mund të më japësh ndonjë këshillë?

“Sa do e çuditshme tingëllon, kërkimi i këshillave mund t’ju bëjë të dukeni më të zgjuar. Në fund të fundit, duhet pak inteligjencë emocionale dhe vetëdije që ta kuptoni se nuk i dini përgjigjet për çdo situatë apo ngjarje, citon Anabel.

Një nga pengesat më të mëdha për këtë qasje është ankthi dhe kjo ju ndalon të ndërmerrni hapin e parë që mund të çojë në një kontakt kyç biznesi, një mundësi të re pune ose një partner/e romantike. Ndaj, mos kini mëdyshje sa herë mendoni se keni nevojë për këshilla.

Continue Reading

Lifestyle

Gjërat që duhet të keni parasysh gjatë takimit të parë

Të gjithë ne duhet të argëtohemi, të eksplorojmë njerëz dhe ide të reja dhe të kemi aventura.

Dhe i gjithë qëllimi i takimeve të para është të lidheni, të mësoni për njerëzit dhe shpresojmë të argëtoheni, apo jo? Pra, le t’ia dalim – po ndajmë me ju disa nga këshillat më të mira për një takim të parë të mrekullueshëm.

Ja çfarë duhet të keni parasysh gjatë një takimi të parë:

1-Zgjidhni vendin e duhur për takimin e parë.

2-Jini të sigurt kur dilni, siguria duhet të jetë prioriteti juaj numër një.
3-Vishni diçka që ju ndihmon të ndiheni mirë me veten.
4-Nëse jeni nervoz për takimin tuaj, merrni frymë thellë dhe relaksohuni.
5-Jepni komplimente të menduara pasi të gjithë i vlerësojnë ato.
6-Bëni pyetje me vend për të njohur personin që keni përballë.
7-Kushtojini vëmendje gjuhës së trupit tuaj.
8-Kushtojini vëmendje ‘flamujve të kuq’.

Continue Reading

Lifestyle

Ushqimet që ju ndihmojnë të bëni gjumë të qetë, nga çfarë duhet të hiqni dorë

Një studim i publikuar në Wall Street Journal thotë se që të kuptojmë se si ushqimi ndikon tek gjumi, duhet të mësojmë çfarë ndodh në organizëm kur mbyllim sytë për të fjetur.

Çfarë ndodh në trupin tonë kur flemë

Funksionet e trupit ngadalësohen ndërkohë që truri mbetet aktiv. Temperatura e trupit bie ndërkohë që frymëmarrja ngadalësohet dhe tensioni i gjakut ulet.

Muskujt relaksohen ndërkohë që truri prodhon një amino acid që qetëson të gjithë sistemin nervor. Hormonet pësojnë një ulje të ndjeshme duke nisur me atë të stresit. Hormonet si ghrelina dhe leptina të cilat rregullojnë nivelet e oreksti dhe ngopjes janë në ekuilibër të plotë.

Nivelet e insulinës rriten për të rregulluar sheqerin në gjak ndërsa melatonina dhe serotonina sinkronizojnë ciklin e gjumit dhe të zgjimit.

Si ndikon ushqimi tek gjumi

Ushqimet që ne hamë mund të ndikojnë ndjeshëm tek secili prej funksioneve të lartpërmendura. Le të marrim rastin e akullores. Ekspertët këshillojnë që njerëzit ta hanë akulloren në drekë dhe jo në darkë.

Nëse hahet në drekë, niveli i sheqerit do të ketë kohën e duhur për tu ekuilibruar. Nëse hani akullore në darkë, sistemi tretës duhet të punojë më fort për tretjen e saj dhe rrjedhimisht ndikon tek cilësia e gjumit.

Ekspertët thonë se ngrënia në një kohë shumë të vonë dhe përpara gjumit e vënë sistemin tretës në punë në një kohë kur i duhet të pushojë.

Nëse sistemi tretës është në punë, temperatura e trupit do të rritet, niveli i sheqerit do të ulet dhe të gjitha këto do ju prishin gjumin.

Mungesa e një gjumi cilësor më pas nxit njeriun të bëjë zgjedhje jo të shëndetshme në aspektin ushqimor dhe kështu rrezikohet më tepër nga sëmundjet.

Ushqimet që nuk duhet të hani kurrë para gjumit

Ekspertët thonë se nëse njerëzit duan të flenë mirë, ata duhet të frenohen ndaj ushqimeve të mëposhtme:

-Çokollata e zezë
-Akullorja
-Kosi
-Vera
-Ushqimet pikante
-Të skuqurat
-Mishi
-Djathërat me yndyrë
-Patatet
-Ushqimet që ju bëjnë të flini më mirë

Ushqimet e mëposhtme janë shumë të mirë, sepse kanë serotoninë e melatoninë dhe ju ndihmojnë të flini “si qingj”:

-Kivi
-Arrat
-Mishi i gjelit të detit
-Bananja
-Vezët
-Mishi i pulës
-Bajamet
-Qumështi
-Mjalti
-Barishtet
-Karkalecat e detit

Continue Reading
Advertisement

TRENDING