S’ka zgjedhje pa asociacion/ Lista serbe takohet me Hovenier

Lista Serbe i ka thënë ambasadorit të SHBA-së në Prishtinë, Jeffrey Hovenier se nuk do të marrin pjesë në zgjedhjet e parakohshme në komunat ky kryetarët nga kjo parti dhanë dorëheqje.

Kryetari i Listës Serbe, Goran Rakiq dhe nënkryetarët e kësaj partie, u takuan me ambasadorin Hovenier dhe mëpas njoftuan se s’do të marrin pjesë në zgjedhje derisa të plotësohen kërkesat e tyre.

23 prilli është data e caktuar për t’u mbajtur zgjedhjet në Veri, por Lista Serbe ende nuk ka aplikuar për certifikim, teksa afati është i hapur deri nesër. Mospjesëmarrja e Listës rrezikon ta bëjë të dështuar këtë proces.

Zgjedhjet në veri të vendit nuk ishin pjesë e diskutimeve në takimin e së shtunës në Ohër. Por kryeministri i Kosovës, Albin Kurti mori përsipër obligimin që t’i nisë menjëherë diskutimet për t’ua krijuar serbëve një nivel menaxhimi në komunat ku janë shumicë.