Skandali me publikimin e pagave, 4 të arrestuar, 2 specialistë të IT te Tatimet dhe 2 bashkëpunëtorët e tyre! Zbulohet emri i personit që shpërndau databazën

Dy persona janë arrestuar deri tani në lidhje me skandalin e publikimit të pagave pak javë më parë. Prokuroria e Tiranës ka lëshuar disa urdhër arreste, por aktualisht janë vënë në pranga vetëm 4 persona, të cilët akuzohen se kanë publikuar të dhënat personale të mbi 650 mijë qytetarëve. Nga të arrestuarit dy prej të tyre janë specialistë të IT te Drejtoria e Tatimeve dhe 2 janë bashkëpunëtorë të tyre. Të arrestuarit kanë patur akses në sistemin e databases dhe kanë shkarkuar të dhënat duke i shpërndarë më pas me file excel-i.

Burime për NTV.AL konfirmojnë se një prej të arrestuarve është, Andi Agaraj, i cili akuzohet se ka shpërndarë të dhënat pasi i ka marrë ato nga një kolege e tij në Drejtorinë e Tatimeve. Dy ditë më parë Shqiptarja.com mesoi se prokuroria e Tiranës kishte zbuluar personin që nxori të dhënat e mbi 650 mijë shqiptarëve, i cili është një teknik IT nga brenda Drejtorisë së Tatimeve. Andi Agaraj, teknik IT i Tatimeve i punësuar me një kontratë provizore në mars të 2013, në kohën kur ishte ende në qeverisje Partia Demokratike, e më pas i stabilizuar me kontratë me kohë të plotë në 2014, kur në krye të Tatimeve ishte Briseida Shehaj, e propozuar nga PS, por prej kohësh e lidhur me LSI, me të cilën edhe u kandidua. Sipas burimeve prokuroria ka zbuluar se burimi i informacioneve të mbledhura nga Andi Agaraj ishte një kolege e tij, po ashtu nëpunëse e Tatimeve, e cila çdo muaj mblidhte informacionet mbi pagat e taksapaguesve shqiptarë për t’i shpërndarë në seli të ndryshme rajonale të Tatimeve.
ër këtë çështje Prokuroria e Rrethit Gjyqësor Tiranë dhe Drejtoria Vendore e Policisë Tiranë, pas hetimit të zhvilluar njoftojnë konferencë për shtyp në orën 10:30.

Publikimi i të dhënave nuk ka qenë pjesë e ndonjë sulmi hakërimi, por nga vetë personat brenda institucionit. Skandali i publikimit të pagave dhe të dhënat personale rrezikoi stabilitetin dhe sigurinë e tyre. Këto të dhëna u shpërndanë me shpejtësi në rrjetet sociale ku përfshinte të dhënat e pagave të mbi 650 shqiptarëve, numra celulari personale të 900 mijë qytetarëve shqiptarë dhe ajo e targave e mbi 530.452 qytetarë shqiptare privat dhe për 61.513 biznese, banka, ambasada etj!

MINUTE PAS MINUTE

E FRIKSHME!Imeraj: Autorët i kanë shitur të dhënat e qytetarëve shqiptarë te privati

Elisabeta Imeraj: Është bërë sekuestrimi i serverave, kemi vijuar për të zbuluar mekanizmin e ngjarjes. Kemi evidentuar 4 autorë, dy janë punonjës te Tatimet me detyra punonjës IT. Ka dyshime se kanë vjedhur të dhëna personale dhe paga të disa muajve. Kemi zbuluar se nuk ka ndërhyrje por shpërdorim detyre duke shituir të dhëna në subjekte private.

Drejtuesja e Prokurorisë së Tiranës, Elisabeta Imeraj, specialistja e IT te Tatimet, Eni Qirjako mori pagat nga sistemi dhe ia kaloi kolegut të saj të IT, Andi Agaraj duke qenë se të dy kishin mundësi të kishin akses te të dhënat e databazës si të punësuar që ishin. Më pas Agaraj i ka shitur për një vlerë 20-30 mijë lekë për çdo databezë këto të dhëna private te 2 përmbaruesit privat, të cilët më pas i shpërndanë këto të dhëna në rrjete social duke përbërë një skandal të vërtetë dhe kërcënuar sigurinë dhe privatësinë e mbi 650 mijë qytetarëve.Hetimet e prokurorisë vijojnë edhe për zbulimin se nga dolën të dhënat e targave të mbi 530.452 qytetarë shqiptare privat dhe për 61.513 biznese, banka, ambasada etj!, ndërsa hetimet për patronazhistët janë dosje më vete.

MINUTE PAS MINUTE

Dy specialistët e It të Tatime morën të dhënat personale dhe ua shitën subjekteve private