Sovranitet me këste i Kosovës dhe Engjëlli i Mëshirshëm

Ndërsa Beogradi zyrtar po e dorëzon sovranitetin mbi Kosovën me këste, sipas deklaratës së Millosh Vuçeviçit, Kosova dhe Metohia do mbeten serbe, edhe me çmimin e mos ekzistencës së serbëve atje.

Dy herë javën e kaluar, Rusia u pengua të përfshijë diskutimin për 25 vjetorin e bombardimit të Republikës Federale të Jugosllavisë në agjendën e sesionit të Këshillit të Sigurimit të Kombeve të Bashkuara. “Forca Aleate” – që në Serbi ende ndonjëherë gabimisht quhet “Engjëlli i Mëshirshëm”, besojnë se Moska zyrtare dëshiron të legjitimojë ndërhyrjen e saj në rajonin e Donbasit për shkak të “precedentit të Kosovës”.

Dështimi i nismës ruse nuk është i papritur, tha shefi i diplomacisë serbe, Ivica Daçic. Mirëpo, kur Dora Bakojanis bëri propozimin per komisionin politik të Asamblesë Parlamentare të Këshillit të Evropës për pranimin e Kosovës në Këshillin e Evropës, reagimi i tij ishte më i dhunshëm. Bëhet fjalë për “muzgun e së drejtës ndërkombëtare”, shpjegoi ai, i bërë edhe më i errët nga fakti se Bakojanis është motra e Kyriakos Mitsotakis, kryeministrit të Greqisë, ndaj interesave gjeopolitike të të cilit – mbi të gjitha çështjes së pazgjidhur të Qipros – sipas Daçiç, Serbia e trajtoi drejt.

Sipas, Dragomir Angjelkoviç, “Personi qe ka meritën kryesore për hyrjen e Kosovës në KiE është Aleksander Vuçiç dhe partneri i tij më i ri në bllokun qeverisës, Daçiç, e di mirë këtë. Duke pranuar verbalisht planin franko-gjerman në fund të shkurtit 2023, i cili praktikisht parasheh njohjen de facto të Prishtinës nga Beogradi, Presidenti i Serbisë I hapi dyert Kosovës për në Keshillin e Europës.

Kur shpallen ditë të vështira në lidhje me afirmimin e Kosovës, pyetja është se për kë – për Serbinë apo për autoritetet e saj, të cilët do të duhet të punojnë shumë për të bindur votuesit se nuk kanë hequr dorë nga Kosova.

Betimi i ish ministrit të Mbrojtjes dhe presidentit të SNS-së, Millosh Vuçevic, se “Serbia nuk do ta njohë kurrë Kosovën, edhe me koston e mospasjes së serbëve në atë territor”, është vetëm një formë tjetër e kërcënimeve të Vuçicit se Beogradi do të tërhiqet nga KiE.