Spanja, Irlanda dhe Norvegjia po e njohin Palestinën, reagon ashpër Netanyahu

Kryeministri izraelit, Benjamin Netanyahu tha se planet e Spanjës, Irlandës dhe Norvegjisë për të njohur një shtet palestinez janë një shpërblim për terrorizmin.

“Tetëdhjetë për qind e palestinezëve në Bregun Perëndimor mbështesin masakrën e tmerrshme të 7 tetorit”, tha lideri izraelit, duke iu referuar rezultatit të një sondazhi të opinionit publik të publikuar menjëherë pas sulmit të ekstremistëve palestinezë nga Gaza të udhëhequr nga Hamasi

“Kësaj të keqeje nuk duhet t’i jepet tokë. Do të përpiqet të përsërisë masakrën e 7 tetorit dhe ne nuk do të pajtohemi me këtë”, shtoi lideri izraelit, duke iu referuar sulmit në të cilin u vranë rreth 1200 njerëz, kryesisht civilë dhe më shumë se 250 u rrëmbyen dhe u dërguan në Rripin e Gazës, ku rreth 130 janë ende pengje./TEL/