Spartak Ngjela: Nëse Ols Dado ka quajtur ‘ndyrësirë’ Veliajn, nuk mund të jetë më prokuror

Avokati Spartak Ngjela  foli për lëvizjet e SPAK dhe arrestimin e Erion Veliajt. Ngjela thotë se ende nuk ka një akuzë për Veliajn.

“Po ai thotë që nuk më kanë dhënë akuzën, pse akuzohet. Pse ky gjyq nuk kuptoj çfarë është ka thënë? Nuk e dimë ia ka dhënë gjykata arrestin. Por gjykata e ka arrestuar, jo prokurori”, tha Ngjela

Lidhur me pretendimin e Veliajt se prokurori Ols Dado e ka quajtur ‘ndyrësirë’ në sallën e gjyqit, Ngjela thotë se nëse diçka e tillë është e vërtetë, Dado nuk mund të jetë më prokuror:

“Ka prova që ka ndodhur? Çdo i pandehur ka të drejtë të flasë? Por duhet të shikojmë nëse është e vërtetë? Nëse është e vërtetë, ai nuk mund të jetë më prokuror. Çdo i pandehur, ka deviacion psikik në mbrojtjen e tij dhe ky duhet të falë në kuptimin e profesionit. Nëse ka ndodhur që ka thënë atë, nuk mund të jetë më prokuror në një vend demokratik.”

Sa i përket pretendimeve për metoda të SPAK si ato të Sigurimit të Shtetit, Ngjela thekson se këtu nuk mund të ketë asnjë paralelizëm:

“Metodat e sigurimit, nuk kishin nevojë për mbrojtje. Nuk afrohen me to. Ti s’kishe të drejtë as për avokat. Nuk ka paralelizëm. Çfarëdo shkelje ligji, ajo situatë juridike, nuk ma ha mendja ta ketë kaluar një vend tjetër në Europë.

Atje ka një fjalë të rëndë, por që deri tani nuk e kam parë të provuar. Nuk mund ti flasësh dot tjetrit me atë gjuhë, sikur je në pushtet absolut. Të pandehurit kanë deviacione në mbrojtje të vetes. Dhe këtë ai ka quajtur lehtësi jurisprudenca kur ka raste të tilla. I pandehuri e amplifikon sulmin që i bën akuza. Është në inkoshient. Është në presionin e akuzës. Shpesh i çon në këto lloj hapësire mendore, që i degdis në vulgaritet”, tha ai.

Deri më tani, sipas Ngjelës me hetimin është marrë vetëm Ols Dado dhe jo Altin Dumani:

“Sipas ligjit Dumani nuk ka lidhje me akuzën. E drejton prokurorinë, por hetimin e drejton hetuesi direkt. Nuk e kam parë që të jetë dhe ky në hetim direkt. Po të jenë të dy ndryshon problemi. Deri më tani kemi parë vetëm Ols Dadon.”