Stuhi Shkretëtire/ Perandoria e brishtë e Iranit po shkatërrohet, dominoja tjetër që do të bjerë

Siria është dominoja tjetër që bie në perandorinë e shkatërruar të Iranit, tha një ish-ambasador amerikan.

Mark Wallace shprehet se Irani tani po lufton për mbijetesën e tij. Ish-përfaqësuesi i SHBA-së në OKB tha se Ayatollah Ali Khamenei ka vetëm një kontroll “të dobët” të pushtetit.

Irani ka përdorur forcat e tij përfaqësuese si një mënyrë për të vendosur dominimin e tij në rajon duke mbjellë konflikt.

“Unë mendoj se nëse do ta këshillonit Ayatollah-in tani, duhet t’i thoni se po shkatërrohen”, tha Wallance, duke shtuar “Irani po mbron të njëjtën hegjemoni për të parandaluar rënien e perandorisë së tyre të brishtë”.

Irani është dobësuar shumë nga korrupsioni dhe konflikti me Izraelin, saqë tani nuk mund t’i mbrojë miqtë e tij.

Ai tha se rebelët sirianë e kishin parë dobësinë e Iranit si një shans për të goditur regjimin e Assadit.

Ndërsa secili prej aleatëve të Iranit bëhet më i dobët, gjithashtu dobësohet edhe ideologjia sunduese e regjimit dhe zotërimi i Ajatollahut mbi pushtetin, shtoi Wallace.

“Brishtësia e Ajatollahut dhe miqve të tij do të zbulohet ndërsa secili prej përfaqësuesve të tij do të shkërmoqet”, thekson ish-ambasadori amerikan.

“Njerëzit, të cilët e urrejnë shtypjen e Ajatollahut, do të marrin guxim të ngrihen kundër tyre”, shprehet Wallance, duke theksuar se përmbysja e Asadit nuk është plotësisht një lajm i mirë pasi “njeriu i keq” mund të zëvendësohej nga një “shtet islamik”.

Dhe ndërsa Siria mund të detyrohet të largohet nga sfera e ndikimit të Iranit, rebelët mbështeten nga Turqia.

Wallace tha se mbështetja e Turqisë për rebelët, midis vendimeve të tjera të politikës së jashtme të saj, do të thotë se ajo nuk vepron si një “aleat normal”.

“Unë personalisht kam bërë thirrje për dëbimin e Turqisë nga NATO. Unë mendoj se Erdogan duhet të konsiderohet si i sanksionuar, i caktuar, aq më pak të jetë një anëtar legjitim i NATO-s”, tha ish-ambadadori amerikan.

Wallace tha se Perëndimi kishte nevojë për Turqinë në anën e tij kundër Rusisë, por ai nuk duhet të inkurajojë “gjakderdhje masive” në rajon.

Ai tha se Perëndimi duhet të përballet drejtpërdrejt me Iranin, ndërsa ai është i dobësuar dhe ta shtyjë atë në një krizë pasardhëse.

“Ka pasur vetëm dy Ajatollahë në histori. Së shpejti do të duhet të ketë një të tretë dhe nëse nuk do të ketë një të tretë, nuk do të ketë Iran siç e njohim ne, dhe populli i Iranit do të jetë i lirë”, shtoi ai.

Të premten, Teherani njoftoi se do të dërgojë raketa dhe dronë në Siri për të mbështetur aleatin e tij, si dhe një numër këshilltarësh ushtarakë dhe të inteligjencës.

Ish-oficeri i inteligjencës ushtarake Philip Ingram tha se forcat e inteligjencës së Putinit dështuan në mbrojtjen e aleatit të tij, Assad pasi ishin të fokusuar në fitimin e luftës në Ukrainë.

Kremlini tani do të jetë jashtëzakonisht i shqetësuar për rrëzimin e aleatit të tij Assad .

“Përgjigja nga forcat e Asadit, të mbështetura nga rusët dhe iranianët, ka qenë e mjerë deri më sot”, shprehet Ingram.

Por kjo nuk do të thotë se Assad do të bjerë, me rusët që ofrojnë mbështetje ajrore kundër militantëve që avancojnë, shtoi Ingram.

Ai tha se “Rusisë nuk u është dashur të bëjnë asgjë që kur u nënshkrua një armëpushim në vitin 2020 dhe për këtë arsye disa nga asetet e tyre do të jenë hequr për të shkuar dhe për të mbështetur Ukrainën dhe do të ishte e vështirë për Putinin të rrisë asetet për të mbështetur Assad”.