Sulme të reja në veri të Kosovës/ Maliqi: Osmani duket e informuar për rreziqet

Analisti Agon Maliqi, ka paraqitur këndvështrimin e tij për situatën në Veri të Kosovës. Përmes një postimi në Facebook, ai ka paralajmëruar se mund të ketë sulme të reja në veri që do të detyrojnë Kosovën të reagojë. Sipas tij, suksesi i Policisë së Kosovës nuk duhet ta dehë shoqërinë për të krijuar iluzione politike dhe u shpreh se ekstremistët serbë tashmë kanë martirët e tyre. Sipas tij, lufta nuk nis kur luftojnë të gjithë, por kur një grup organizohet. Për këtë, Maliqi tha se me gjasë presidentja Vjosa Osmani është e informuar për rreqizet dhe po kërkon marrëveshje. Por sipas analistit nga Kosova, tani terreni për marrëveshje ka humbur.

“NATO nuk do të lejojë zgjerim të konfliktit dhe as valë refugjatësh drejt Serbisë. Kryeministri Edi Rama po gabon teksa po  rekomandon rritjen e rolit të KFOR-it, pasi ky mund të jetë rezultati përfundimtar që cungon veriun dhe vulos ndarjen” – theksoi Agon Maliqi, sipas te cilit, e vetmja mënyrë për te parandaluar një cikël përshkallëzimi është që të ndiqet kursi i rekomanduar nga Presidentja Osmani, e cila duket e informuar për rreziqet, dhe të shfrytëzohet momenti politik për ta përshpejtuar marrëveshjen”