Sulmi në Moskë/ Peskov: Putini po vuan shumë, nuk e kuptoni dot atë që po kalon

Dmitriy Peskov, zëdhënës i presidentit rus Vladimir Putin, tha se Putini u trondit nga sulmi terrorist në Moskë që ndodhi një javë më parë.

U vu re se Putini nuk mori pjesë në homazhe për viktimat, as nuk vizitoi familjet e viktimave dhe të plagosurve.

“Kreu i shtetit është shumë i shqetësuar për tragjedi të tilla. Më besoni, edhe nëse nuk i shihni lotët në fytyrën e tij, nuk do të thotë se ai nuk po vuan”, tha Peskov në një intervistë të shkurtër të transmetuar sot.

“Nuk ka gjasa që dikush ta dijë dhe ta kuptojë atë që po kalon, duke përfshirë ju dhe mua”, shtoi Peskov.

Pasi personat e armatosur vranë 144 persona, plagosën 551 dhe i vunë zjarrin ndërtesës në një sallë koncertesh më 22 mars, grupi xhihadist Shteti Islamik mori përgjegjësinë.

Putin foli për këtë mëngjesin tjetër, dhe të hënën ai vetëm tha se sulmuesit ishin “islamikë radikalë”, por autoritetet ruse akuzuan Ukrainën dhe aleatët e saj perëndimorë për lehtësimin e sulmit, gjë që Kievi dhe aleatët e tij e mohuan me forcë.