Sulmi terrorist/ Të shtëna me armë zjarri, vritet turisti nga Roma

Sulm terrorist në Tel Aviv. Një turist italian, 35-vjeçari Alessandro Parini nga Roma, mbeti i vrarë dhe disa persona të tjerë u plagosën, përfshirë dy bashkatdhetarë të tjerë, nga një automjet që u përplas me turmën që po ecte përgjatë bregdetit të qytetit izraelit. Autori qëlloi me armë në drejtim të turmës.

“Autoritetet izraelite konfirmojnë vdekjen e shtetasit italian Alessandro Parini. Shpreh dënimin tim të prerë për terrorizmin dhe afërsinë time me familjet”- shkruan Antonio Tajani në Tëitter. Menjëherë më pas ministri i Jashtëm bëri të ditur se mes të plagosurve ka edhe dy bashkatdhetarë.

Identiteti i autorit të sulmit është ende i paqartë. Sipas televizionit publik Kan, fillimisht u duk se burri ishte një arab izraelit nga qyteti Kfar Kassem, në verilindje të Tel Avivit. Por kur Shin Bet (shërbimi i sigurisë së brendshme) shkoi në shtëpinë e tij, ata zbuluan se i dyshuari ishte në shtëpi. Ai u tha oficerëve se makina e tij ishte vjedhur dhe letrat e tij ishin brenda.

“Kryeministrja Giorgia Meloni shpreh ngushëllimet e thella për vdekjen e një prej bashkatdhetarëve tanë, Alessandro Parini, në sulmin terrorist të ndodhur në mbrëmje në Tel Aviv”- thuhet në njoftimin për shtyp.