Sveçla: Disa prej terroristëve të identifikuar janë pjesëtarë të organizatës “Mbrojtja Civile”

Ministri i Punëve të Brendshme në Kosovë, Xhelal Sveçla, duke folur per sulmin terrorist ndaj policise se Kosoves, ka treguar se disa prej terroristëve që janë identifikuar janë pjesëtarë të organizatës terroriste “Mbrojtja Civile”.

Po ashtu Sveçla ka theksuar se Policia e Kosovës ka zbuluar një sasi të madhe të armatimit të rëndë, armatim këmbësorie, eksploziv, uniforma dhe pajisje për barrikada.

“Ishin pajisje për qindra sulmues. Kanë dështuar falë angazhimit të jashtëzakonshme dhe sakrificës së policëve të Kosovës”, shtoi Ministri,I cili gjithashtu tregoi se në makinat që janë shfrytëzuar nga sulmuesit ka pasur edhe dokumenta ruse.

Ministri akuzoi direkt presidentin e Serbisë, Aleksandar Vuçiq, për mbështetje të dhënë ndaj këtij grupi. Ai u shpreh se “Një aktivitet i tillë s’mund të bëhet pa përkrahjen e shtetit të Serbisë, drejtpërdrejt të Vuçiqit dhe njerëzve të tij”