Sytë nga Ukraina/ Pas armëpushimit në Lindjen e Mesme, Trump pret Zelenskyy-n në Uashington

Një zyrtar i lartë i Shtëpisë së Bardhë ka deklaruar se Presidenti i SHBA-së Donald Trump do të takohet me Presidentin ukrainas Volodymyr Zelenskyy për një drekë pune të premten. Të dy udhëheqësit zhvilluan një bisedë telefonike të shtunën dhe të dielën, ndërsa Zelenskyy nxit më shumë armë amerikane për t’iu kundërvënë sulmeve ruse.

Më herët sot, presidenti ukrainas tha se armëpushimi në Gaza i ndërmjetësuar nga Donald Trump do t’i jepte shpresë shtesë për paqe Ukrainës, ku udhëheqësi amerikan aspiron gjithashtu të luajë një rol ndërmjetësues me Moskën.

“Kur arrihet paqja në një pjesë të botës, kjo sjell shpresë më të madhe për paqe në rajone të tjera. Udhëheqja dhe vendosmëria e bashkësisë ndërkombëtare sigurisht që mund të funksionojnë në favorin tonë, edhe në Ukrainë“, tha Zelenskyy.