Taulant Balla: Rusët zhvilluan aktivitet spiunazhi

Incidenti në uzinën e armëve në Gramsh, ku u sulmuan dy ushtarët shqiptar nga shtetasi rus, ku kishte dyshime për aktivitet spiunazhi, është asgjësuar sapo ka nisur. Kështu tha për gazetarët kreu i grupit parlamentar të PS-së Taulant Balla, i cili vlerësoi punën e institucioneve shqiptare, duke shuar se kanë qenë në nivelin më të lartë dhe të mirë të mundshëm. Mendoj dhe vlerësoj se reagimi i gjithë zinxhirit të strukturave shtetërore qoftë në radhë të parë të Ministrisë së Mbrojtjes dhe strukturës së saj të Forcave të Armatosura, të policisë së shtetit dhe të institucioneve të hetimit ka qenë në nivelin më të lartë dhe të mirë të mundshëm. Ka pasur një përpjekje që dyshohet për aktivitet spiunazhi e cila është asgjësuar sapo ka nisur ajo. Mendoj se të gjitha strukturat meritojnë vlerësimin maksimal. Shqipëria mbetet vend anëtar i NATO, ka mbështetur dhe mbështet të gjithë përpjekjen e botës demokratike për mbështetje të rezistencës ukrainase nga një pushtim i pajustifikuar, përpjekje për pushtim të pajustifikuar nga ana e Rusisë. Do këshilloja këdo edhe gjelat e politikës së opozitës që të presim hetimin, të presim verdiktin e institucioneve të sigurisë që në bashkëpunim me prokurorinë do zbardhin ngjarjen. Ka një shprehje popullore që opinionin për shqiponjën nuk mund ta japin dot gjelat e detit. Shqipëria është anëtar i NATO me kontribute të çmuara në sigurinë e përbashkët të aleancës. Ata që bëjnë se janë shqetësuar shumë se vazhdojnë me pushime dhe s’kanë me ç’të merren dhe përdorin telefonin për të bërë statuse Facebook ,institucionet meritojnë falenderim nga çdo qytetar për reagimin e tyre të menjehershëm dhe për asgjësimin në kohë të një përpjekje që mund, ose siç dyshohet deri tani, të jetë një aktivitet i mirëfillte spiunazhi.’- u shpreh Balla.

…..

Kreu i grupit parlamentar të PS, Taulant Balla ka reaguar në lidhje me ngjarjen në Gramsh, ku dy shtetas rusë dhe një ukrainas tentuan të futen në uzinën ushtarake.

I pyetur nëse pas këtij incidenti do të ndalohen vizat për shtetasit rusë, Balla tha se duhet pritur përfundimi i hetimeve, ndërsa sulmoi edhe opozitën.

“Mendoj që reagimi i gjithë zinxhirit të strukturave shtetërore, qoftë të Ministrisë së Mbrojtes dhe Frocave të Armatosura, Policisë së Shtetit dhe institucioneve të hetimit, ka qenë në nivelin më të lartë dhe të mirë të mundshëm. Jemi në kushtet që ka pasur një përpjekje që dyshohet për aktivitet spiunazhi, që është asgjësuar. Shqipëria mbetet vend anëtar i NATO-s, mbështet përpjekjet e botës demokratike në mbështetje të rezistencës ukrainase, nga një pushtim i pajustifikuar. Do këshilloja këdo, edhe gjithë gjelat e politikës së opozitës që të presin hetimet. Të presin verdiktin e institucioneve të sigurisë që do zbardhin ngjarjen. Opinionin për shqiponjën nuk mund ta japin dot gjelat e detit. Mendoj që organet shtetërore shqiptare meritojnë falenderim për reagimin e menjëhershëm dhe asgjësimin në kohë të një përpjkjeje që dyshohet të jetë aktivitet spiunazhi”, tha Balla.

……

Kreu i grupit parlamentar socialist, Taulant Balla ka thënë se kryedemokrati Sali Berisha nuk mund të vijojë në Kuvendin dhe politikën shqiptare.

Ai tha në një deklaratë nga kryesia e Kuvendit se drejtësia duhet të fillojë procedim ndaj Berishës, pasi ka qenë i përfshirë në afera korruptive.

“Është  e papranueshme që 30 vjet pas vendosjes së demokracisë, një sekretar partie, i shpalllur non grata, ky person të vazhdojë të bëjë pis kuvendin dhe jetën politike në vend. Besoj që ndërkohë, faktet e reja publike të bëra nga vetë katrani me bojë, non grata, Sali Berisha, për ato që Britania e ka informuar, i përfshirë në afera korruptive dhe jo vetëm, unë mendoj që këtu ka plot arsye që legjislacioni aktual dhe drejtësia të fillojë procedimin penal ndaj non gratës.

Dy nismat që janë depozituar, burojnë nga propozimi i autoriteteit. Çështja tjetër është një draft pune. Këtu nuk mund të bëjë përjashtim askush nga ata që kanë qenë pjesë e organigramës së ish-sigurimit të shtetit. Është një draft ende jo i plotë. Në këtë kontekst të përfshihen edhe funksionarë të të lartë që kanë qenë funskionarë në ish-Partinë e Punës”, tha Balla.

Ai shtoi gjithashtu se Berisha dhe Meta janë të eliminuar politikisht, ndërsa nisma e propozuar nuk ka të bëjë me persona të veçantë.

“Ata janë të eliminuar politikisht në kuptimin e besueshmërisë publike, nuk ka të bëjë fare me një nismë që lidhet me persona të veçantë. Ndryshimet e propozuara janë domosdoshmëri”, deklaroi Balla.