Të mundësh Napolin nuk mjafton – (VIDEO)

Liverpuli ka mundur me rezultatin 2-0 Napolin në ndeshjen e fundit në grup në Ligën e Kampioneve. Por kjo nuk i ka mundësuar skuadrës angleze që të sigurojë vendin e parë në grup, i cili u ka shkuar italianëve.

Liverpulit i duhej një fitore me 4 gola diferencë për të siguruar një vazo më të favorshme për fazën me eliminim direkt. Por skuadra e Klop nuk ia ka dalë të mposhte mbrojtjen e Napolit si dhe ka rrezikuar vetë disa herë që të pësojë gol. Rrjeta u tund vetëm në minutat e fundit të sfidës, kur Salah ia doli shënonte pas zhvillimit të një goditje nga këndi në minutën e 86 dhe pastaj Nunjez dyfishoi shifrat në minutën e 98.

Ndërkaq, Ajaksi ka shënuar 3 herë ndaj Rejnxhërs në fushën e këtij të fundit në ndeshjen tjetër në grup, i sigurt që para sfidës së do të shkonte në Ligën e Europës për të vazhduar rrugëtimin europian.

REZULTATET :

LIVERPUL 2-0 NAPOLI
86′ Salah, 90’+8′ Nunjez

REJNXHËRS 1-3 AJAKS
86′ (p) Tavernier / 4′ Berghuis, 29′ Kudus, 89′ Konseisao

FORMACIONET ZYRTARE

Liverpul vs Napoli

Rejnxhërs vs Ajaks

Napoli e ka prerë biletën në 16 skuadrat më të mira. Ata do të renditen të parët nëse shmangin humbjen ndaj Liverpulit me 4 gola diferencë.

Liverpuli është kualifikuar në 1/8-at. Ata do të renditen të parët nëse mundin Napolin me minimalisht 4 gola diferencë.

Ajaksi do të renditet i treti dhe shkojë në “play off”-et e Ligës së Europës nëse shmang humbjen me Glasgoun me të paktën 5 gola diferencë.

Rejnxhërs do të renditet i treti nëse mund Ajaksin me 5 gola diferencë.