Të pafytyrë që flasin palidhje/ LVV sulmon ambasadorët

Elvis Hoxha, anëtar i Kryesisë së Lëvizjes Vetëvendosje, ka shkruar një status, në të cilën ka komentuar kërkesat e ambasadorëve të vendeve aleatë të Kosovës drejtuar Qeverisë Kurti.

Në shkrimin e tij të shkurtër, Ai ka bërë disa pretendime të çuditshme e aspak politikisht korrekte.

Së pari, ai ka pretenduar se ambasadorët janë miq të Kosovës “sa për të dëmtuar Kosovën”. E dyta, ai e ka thelluar interpretimin e tij të çuditshëm, duke shkruar se ambasadorët “po e marrin popullin e Kosovës për budallë”. E treta, i ka quajtur ambasadorët “të pafytyrë”, teksa shkroi se shqiptarët po i kthehen mendimit se diplomatët janë të tillë

Hoxha gjithashtu ka goditur me emër edhe ambasadorin e Gjermanisë në Kosovë, Jorn Rohde, duke shkruar se ai nuk di ç’të thotë.

“Ai dhe ata vetë e po ndjekin politikën e Lajcakut, dhënien e veriut të Kosovës Serbisë, por edhe këtë gabim të tyre duhet ta faturojnë në kurriz të Kosovës e jo si paaftësi dhe padrejtësi të tyre.” – ka theksuar Elvis Hoxha